Lajme

Nagavci e shkarkon anëtarin e bordit të KSHC-së të cilin e kishte emëruar Likaj

Autori: Gazeta inFokus 17:13 | 01 April 2021

Ministrja e Arsimit dhe Shkencës, Arbërije Nagavci e ka shkarkuar anëtarin e bordit të Këshillit Shtetëror të Cilësisë, Binak Beqajn, raporton Gazeta Express.

Me këtë vendim, Nagavci e ka shfuqizuar vendimin paraprak që e kishte marrë ish-ministri i këtij dikasteri, Ramë Likaj për emërimin e Beqajt.

Likaj e kishte emëruar Beqajn si anëtar në KSHC, ndërsa ky vendim nuk ishte ratifikuar në Kuvendin e Kosovës, siç parashihet me ligj.

Në Bordin e KSHC-së aktualisht kanë mbetur vetëm 3 anëtarë.

Në shkurt, tre anëtarët ndërkombëtarë dhe dy anëtarë vendorë të KSHC-së kishin dhënë dorëheqje.

Të tjera

Fokusi

lajme