Lajme

Nagavci: Çështja e librave në të kaluarën ishte vetëm biznes e klientelizëm

Autori: Gazeta inFokus 16:06 | 14 September 2023

Ministrja e Arsimit, Arbërie Nagavci, duke folur në seancën e Kuvendit të Kosovës lidhur me çështjen e librave, tha se vendimi që të subvencionohen prindërit për blerjen e librave shkollorë këtë vit ka qenë një nga vendimet që ajo thotë se kanë marrë për të ngritur cilësinë në arsim.

Nagavci ka thënë se çështja e librave në të kaluarën ka qenë biznes e klientelizëm.

“Në të kaluarën faktet tregojnë se çështja e librave ka qenë një proces që më shumë ka qenë biznes e klientelizëm. Fillimisht kemi punuar intensivisht dhe kemi finalizuar ligjin për tekste shkollore që e keni në Kuvend. Që në marrjen e mandatit kemi krijuar hapësirën që këshillat në nivel të shkollave të vendosin për tekste. Kemi filluar për herë të parë rishikimin e teksteve shkollore. Pra, janë një varg vendimesh që kemi marrë dhe vendimi i fundit është vetëm një vendim nga pakoja e reformës për përmirësimin e cilësisë në arsim. Për çdo vit më shumë është dyfishuar buxheti për tekste se që është planifikuar. Ky subvencion i teksteve e përmbushë obligimin ligjor, por edhe ua pamundëson komunave që tekstet të mbesin në bodrumet e shkollave”, ka thënë Nagavci.

-Advertisement-

Subscribe në YouTube: GAZETA INFOKUSI
Etiketa:
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme