Sport

Nadal nuk ndalet, kalon në gjysmëfinale të US Open

Autori: Gazeta inFokus 15:02 | 05 September 2019

Rafael Nadal nuk ndalet në Flushing Meadows. Tenisti spanjoll preu biletën për në gjysmëfinale të US Open pasi eliminoi Diego Schwartzmann të cilin e mundi me rezultatin 3-0.

Megjithatë këtë radhë duket se spanjolli hasi në pak më shumë vështirësi në ndeshjen e tij të cilën e fitoi pas rreth 3 orësh duke i mbyllur setet me rezultatin 6-4;7-5; 6-2.

Në Gjysmëfinale Nadal do të përballet me Matteo Berrettinin që në çerekfinale eliminoi Gawl Monfils pas një ndeshje maratonë që zgjati 5 sete.

-Advertisement-

3-2 ishte rezultati në favor të Berrettinit që bëhet tenisti i dytë italian në histori, që luan në gjysmëfinale të US Open, pas Adriano Panattës.

23 vjecarit iu deshën 3 orë e 55 minuta lojë për të fituar këtë përballje me Monfils dhe tani do të përballet për herë të parë me numrin 2 të botës.

Për femra, Bianca Andreescu siguroi kalimin në gjysmëfinale të turneut të US Open. Kanadezja 19 vjeçare arriti të mposhtë belgen, Elise Mertens, në një ndeshje të rivalizuar, me rezultatin 2-1 në 2 orë e 2 minuta lojë.

Mertens fitoi setin e parë, por Andreescu përmbysi gjithçka duke fituar 2 të tjerët 6-2;6-3.

Në gjysmëfinale kanadezja do të përballet me Belinda Bencic, që eliminoi kroaten Vekic.

Subscribe në YouTube: GAZETA INFOKUSI
KosovaMed përmbyll vitin me sukses – dhuron donacione për QKMF-në e Junikut

Të tjera