Lajme

Mustafi pas refuzimit të ministrave të Kosovës: Një është e sigurt, aspiratat tona të përbashkëta nuk ka forcë që i ndal

Autori: Gazeta inFokus 11:36 | 27 November 2021

Kryetari i Këshillit Kombëtar Shqiptar në Luginë, Ragmi Mustafi, ka reaguar pasi Serbia ua ka refuzuar vizitën në Luginën e Preshevës katër ministrave të Kosovës.

Mustafi përmes një postimi në Facebook, ka shkruar se refuzimi i kërkesës për të vizituar Luginën e Preshevës nga ministrat e Kosovës, nuk asgjë tjetër përveç mendësi e sistemit aktual në Serbi.

“Refuzimi i kërkesës për të vizituar Luginën e Preshevës të ministrave të Republikës së Kosovës – Liburn Aliu, Arbërie Nagavci, Hekuran Murati dhe Hajrulla Çeku nga Serbia nuk mund të gjykohet ndryshe, përveç mendësi e sistemit aktual në Serbi”.

-Advertisement-

“Ky refuzim si i tillë shpërfaq në mënyrë të natyrshme tendencën për të pamundësuar jo vetëm thjeshtë vizitën, por në radhë të parë për të pamundësuar bashkëpunimin e bashkërendimin e drejtpërdrejtë si dhe bashkëfestim e Festës së Flamurit – 28 Nëntorin”.

“I indinjuar thellë, ndjejë keqardhje për ripasqyrimin e mentalitetit të shekullit të kaluar dhe pengimin e mundësisë për të bashkëbiseduar e festuar me miqtë e bashkëkombasit ministra. Po një është e sigurt, aspiratat tona të përbashkëta nuk ka forcë që i ndal”, ka shkruar Mustafi.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy