Mustafi jep lajmin e keq nga Lugina: Institucioni që i tubon shqiptarët tash është në mëshirën e Serbisë
Autori: Gazeta inFokus 21:48 | 14 January 2023
Kryetari i Këshillit Kombëtar Shqiptar, Ragmi Mustafi ka dhënë lajmin e keq nga Lugina e Preshevës.
Përmes një shkrimi në Facebook, Mustafi thotë se mbrëmë në mesnatë ishte afati i fundit kur subjektet politike që kishin siguruar mandatet e tyre në zgjedhjet e 13 nëntorit të vitit 2022, të arrijnë marrëveshje për të zgjedhur organet udhëheqëse të Këshillit Kombëtar Shqiptar.
E meqenëse, sipas tij, kjo dështoi, Mustafi thotë se që nga mbrëmë në mesnatë, Lugina e Preshevës hyri në kolapsin politik të radhës.
“Me çka, institucioni i vetëm që tubon shqiptarët, u dorëzua në mëshirën e Ministrisë së Pakicave, konkretisht të Qeverisë së Serbisë. Për fatin e keq të shqiptarëve të kësaj treve, sot, kur është humbur afati ligjor që shqiptarët të zgjedhin udhëheqjen e një institucioni që ka të bëjë pikërisht me të drejtat e tyre, arsimin, kulturën e ruajtjen e substancës tonë kombëtare, e të varet nga vullneti i politikës e parapolitikës në Beograd që të zgjedh në emër të votuesve tanë.
Nga të gjitha pakicat, pjesëmarrëse në zgjedhjet e 13 nëntorit të vitit të kaluar, vetëm pakica shqiptare nuk kishte arritur të formonte udhëheqjen e Këshillit Kombëtar”, shkroi Mustafi.
Më poshtë mund ta lexoni postimin e plotë:
NGA MBRËMË NË MESNATË, LUGINA E PRESHEVËS HYRI NË KOLAPSIN POLITIK TË RADHËS
Shqiptarët më 13 nëntor të vitit të kaluar morën pjesë në zgjedhjet për Këshillin Kombëtar, zgjedhje në të cilat garuan pesë lista zgjedhore.
Edhe pse këto zgjedhje u zhvilluan të qeta dhe pa incidente, institucioni i cili tubon shqiptarët e Luginës arriti që me 14 dhjetor të mbajë vetëm seancën konstituive të saj, por pa zgjedhur udhëheqjen e Këshillit Kombëtar.
Mbrëmë në mesnatë ishte afati i fundit kur subjektet politike që kishin siguruar mandatet e tyre në zgjedhjet e 13 nëntorit të vitit 2022, të arrijnë marrëveshje për të zgjedhur organet udhëheqëse të Këshillit Kombëtar Shqiptar.
Për fat të keq, edhe pas disa takimeve në mes të subjekteve politike, e madje edhe përfshirjes së Qeverisë së Republikës së Kosovës që ky ngërrç politik të tejkalohet, në një pjesë të spektrit politik shqiptar në Luginë nuk mbizotëroi pjekuria politike.
Me çka, institucioni i vetëm që tubon shqiptarët, u dorëzua në mëshirën e Ministrisë së Pakicave, konkretisht të Qeverisë së Serbisë.
Për fatin e keq të shqiptarëve të kësaj treve, sot, kur është humbur afati ligjor që shqiptarët të zgjedhin udhëheqjen e një institucioni që ka të bëjë pikërisht me të drejtat e tyre, arsimin, kulturën e ruajtjen e substancës tonë kombëtare, e të varet nga vullneti i politikës e parapolitikës në Beograd që të zgjedh në emër të votuesve tanë.
Nga të gjitha pakicat, pjesëmarrëse në zgjedhjet e 13 nëntorit të vitit të kaluar, vetëm pakica shqiptare nuk kishte arritur të formonte udhëheqjen e Këshillit Kombëtar.
E sot, kur më nuk është në dorën e shqiptarëve, por qendra e vendosjes për udhëheqjen e institucionit të shqiptarëve të jetë Beogradi, pritet që Ministria për pakica e Qeverisë së Serbisë të shpartallojë Kuvendin e Këshillit Kombëtar Shqiptar dhe të zgjedh organin e përkohshëm/dhunshëm.
Shfrytëzoj këtë rast, që të shpreh falënderimet e mija të sinqerta për Qeverinë e Republikës së Kosovës, gjegjësisht Kryeministrin, z. Albin Kurti, që kontribojë për mundësinë e tejkalimit të këtij ngërrçi politik për Këshillin Kombëtar Shqiptar, në mënyrë që të evitohet mundësia e organit të përkohshëm/dhunshëm.
Në të njejtën kohë, shpreh indinjatën time të thellë, që tek liderët e një pjese të spektrit politik shqiptar në Luginë, nuk mbizotëruan arsyet e shëndosha, por papërgjegjësia e plotë.
Me këtë, një pjesë e spektrit politik, e me theks të veçantë PD e LPD, në mes të këshillave të Qeverisë së Republikës së Kosovës që të tejkalohet ngërrçi e të gjindet zgjidhje dhe mundësisë që organi më i lartë që përfaqëson shqiptarët të zgjidhet përmes Qeverisë së Serbisë, fatkeqësisht zgjodhën opsionin e dytë.
Në tërë këtë klimë destruktive të krijuar tashmë tek subjektet politike shqiptare, shpresoj shumë që shqiptarët të bojkotojnë çdo subjekt politik që nuk e toleron përfshirjen e Kosovës dhe Shqipërisë në Luginë, e në anën tjetër nuk e trajton të dëmshme përfshirjen e Qeverisë së Serbisë e cila shpërfillë edhe vullnetin demokratik të shprehur me votë, sikur në rastin e fundit në zgjedhjet për Këshillin Kombëtar.
Në anën tjetër, pasojat e këtij kollapsi politik në të cilin ka hyrë Lugina e Preshevës mbrëmë, do t’i vërejmë në periudhën e ardhshme.
Uroj, që ata mbi të cilët bie barra kryesore e shkaktimit të kësaj situate, të reflektojnë e mësojnë nga gabimet dhe papërgjegjshmëria e tyre ndaj çështjeve me interes nacional.
Të tjera
-
Gjykimi për dallavere me patentë shofer, të akuzuarit deklarojnë se MI-së nuk i shkaktuan dëm buxhetor
Në këtë rast, ish-ushtruesi i detyrës së Sekretarit të Përgjithshëm në Minist...
-
Vd es një 42 vjeçar në Suharekë, ra në kontakt me rrymën elektrike
Një 42 vjeçar ka vdekur si pasojë e goditjes nga rryma elektrike. Ngjarja e r...
-
Haiziri tregon kur mund të mbahen zgjedhjet
Mundësia për zgjedhje të parakohshme duket të mos jetë e mundur aktualisht. ...
-
Vuçiq i bindur te fitorja e tij në zgjedhje: Hapini kutitë, mund t’i numëroni 100 herë
Një ditë pas triumfit në zgjedhjet e pjesshme lokale, presidenti i Serbisë, A...
-
Kurti thotë se kompania turke “Baykar” është adresë e duhur për armatim: Kur do të blejmë e sa, merret vesh më vonë
Kryeministri i Kosovës, Albin Kurti, ka deklaruar se kompania turke “Baykar”,...
-
Sveçla “ndërron temë”, publikon pamje të maleve të Veriut
Derisa në vend po debatohet rreth telefonatës së Mimoza Kusari-Lilës dhe Mila...
-
Valon Syla ka një pyetje për Albin Kurtin: Pse e merr me vete në çdo takim Kusari-Lilën?
Valon Syla, gazetar, ka folur në “Pressing” të T7, për bisedën e publikuar ku...
-
Dalin pamjet e adoleshentit nga Fushë Kosova që u rra hë me grushte nga disa persona
Një prind në Fushë Kosovë ka raportuar se disa persona ia kanë rrahur djalin....
-
Paralajmërimet për hapjen e Urës së Ibrit, ish-Komandanti i KFOR’it Bühler: Qeveria duhet t’i dëgjojë këshillat e aleatëve
Ura e Ibrit është mbyllur qe shumë vite për qarkullim të veturave, mirëpo vit...
-
Haxhiu viziton nënën e Eronës që u v*a nga ish-partneri i saj: Secila pjesë e shtëpisë ia kujton ndonjë moment me vajzën dhe nipin
Ministrja e Drejtësisë, Albulena Haxhiu, ka vizituar sot nënën e Erona Coklit...
-
Të ardhurat mesatare do të bien me 19% për shkak të ndryshimit klimatik
Të ardhurat mesatare në mbarë botën do të pakësohen me një të pestën deri në ...
-
Në Serbi po kryhen arrestime për akuza të panjohura në Kosovë
Pikëkalimi mes Kosovës dhe Serbisë, Merdare, është një prej zonave ku autorit...