Mustafa: S’e di se si përfiton LDK-ja duke e votuar Vjosa Osmanin për presidente
Autori: Gazeta inFokus 15:41 | 07 April 2021
Për befasinë e shumëkujt, Lidhja Demokratike e Kosovës ndihmoi zgjedhjen e Vjosa Osmanit presidente, duke qëndruar në sallë dhe duke votuar për ta mundësuar kuorumin prej 80 votash.
Veprimin e LDK-së e ka të paqartë edhe ish-kryetari i saj, Isa Mustafa.
Ai, në një prononcim të shkurtër për Albanian Post, pohon se s’ka njohuri se cili ka mundur të jetë përfitimi i LDK-së nga ky pozicionim politik.
“Unë nuk kam njohuri se cilat kanë qenë arsyet dhe si pasojë përfitimet e pritshme të LDK-së nga një veprim i tillë”, tha shkurt Mustafa, i pyetur se si e ka parë veprimin e tashmë ish-partisë së tij.
Për këtë arsye Mustafa pohoi se s’mund të ketë një përgjigje më komplete dhe s’mund t’i bëjë një analizë më të detajshme situatës.
Lider i LDK-së për mbi një dekadë, vetë Mustafa ka pasur një raport të luhatshëm me Osmanin.
Lexo Edhe:
Zhbllokohet ndeshja Istogu – Dukagjini
Ai ishte acaruar me të kur ajo s’e pati votuar kabinetin e tij qeveritar, nën arsyetimin që s’i pëlqente koalicioni i LDK-së me PDK-në atë botë.
Më pas, Osmani kishte tentuar ta sfidonte Mustafën për të paren e LDK-së, por nuk ishte lejuar as të kandidonte, derisa më vonë u vendos krejt në fund të listës zgjedhore të LDK-së për deputete.
Pastaj, për arsye që nuk është se janë shpjeguar krejtësisht, kishte ndodhur një afrim i Osmanit me Mustafën.
Ai e afroi përsëri Osmanin në parti dhe ajo e aprovoi afrimin. Në zgjedhjet e parafundit Mustafa e përzgjodhi si kandidate të partisë për kryeministre dhe Osmani falënderuese udhëhoqi kampanjën.
Kur dukej se gjithçka po shkonte mire mes tyre, Osmani, atëkohë kryeparlamentare, kishte refuzuar të përkrahë politikën e LDK-së në raport me partnerin e koalicionit, Lëvizjen Vetëvendosje, dhe prapë u rreshtua kundër partisë.
Veprimi i Osmanit dhe refuzimi t’i bëhej krahë partisë, e kishte detyruar Mustafën të reagonte duke e shkarkuar nga pozita e nënkryetares dhe çdo funksion pushteti brenda LDK-së.
Në një intervistë të mëhershme për Albanian Post, sa Mustafa ishte ende kryetar, ai pati racionalizuar veprimin e tij për degradim të rolit të Osmanit brenda LDK-së.
“Ajo çfarë donte Vjosa Osmami të bënte në Lidhjen Demokratike të Kosovës ‘ishte një çmenduri’, pasi donte ‘vasalitet’ në raport me Vetëvendosjen”, pati deklaruar Mustafa.
“Vjosës ia pamundësova që LDK-në ta bëjë nëndegë të Vetëvendosjes”, ishte shprehur ai.
Se a është konkretizuar frika e Mustafës në një realitet, me veprimin e fundit të LDK-së, duke përkrahur kandidaten e Vetëvendosjes për presidente, ai s’e ka një përgjigje.
Pikërisht për shkak se “s’ka njohuri”, pse LDK-ja veproi ashtu.
Njohuri për qëndrimin e pakuptueshëm për Mustafën të LDK-së, ka pasardhësi i tij në parti, Lumir Abdixhiku.
Kryetari i ri i partisë së vjetër tha se LDK-ja veproi ashtu, sepse e kupton situatën dhe rëndësinë e madhe të konsolidimit të institucioneve për t’u marrë me problemet e shtetit.
Sipas Abdixhikut, LDK-ja nuk e bëri për Vetëvendosjen, por për Kosovën.
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...