Mustafa për Gjykatën Speciale: Kryerësit e krimeve janë individë, nuk janë shqiptarët
Autori: Gazeta inFokus 13:37 | 24 December 2017
Kryetari i Lidhjes Demokratike të Kosovës Isa Mustafa ka thënë se ka tendenca që ti përshkruhet LDK-së se e dëshiron Gjykatën Speciale, porse kjo është është e pavërtetë.
Sipas tij, nga përfaqësuesit e SHBA është thënë qartë, se nëse Kosova nuk e merr përgjegjësinë për themelimin e kësaj Gjykate dhe zbardhjen e të gjitha dyshimeve për krime, atëherë SHBA nuk kanë asnjë arsye të pengojnë themelimin e saj nga Këshilli i Sigurimit.
Shkrimi i plotë i Mustafës në Facebook:
Disa fjalë për Gjykatën Speciale dhe ngjarjet e fundit në Kuvend
Ka tendenca që ti përshkruhet Lidhjes Demokratike të Kosovës se e dëshiron Gjykatën Speciale.
Kjo është e pavërtetë!
Kjo gjykatë është themeluar me seli jashtë vendit dhe në Kosovë si pasojë e pasigurisë së dëshmitarëve. Është themeluar, jo si vullnet dhe dëshirë e institucioneve të Kosovës por me insistimin e qartë të faktorit ndërkombëtar, të SHBA-së dhe BE-së, se nëse Kosova nuk e themelon këtë gjykatë me ndryshime kushtetuese dhe pastaj me lig, atëherë atë do ta themelojë Këshilli i Sigurimit i OKB-së mbi bazën e Rezolutës 1244.
Nga përfaqësuesit e SHBA na është thënë qartë, se nëse Kosova nuk e merr përgjegjësinë për themelimin e kësaj Gjykate dhe zbardhjen e të gjitha dyshimeve për krime, atëherë SHBA nuk kanë asnjë arsye të pengojnë themelimin e saj nga Këshilli i Sigurimit. Me kalimin e kësaj gjykate me vendim të KS të OKB-së do të fuqizohej roli i Rusisë dhe Kinës, kurse mandati i saj do të ishte i pa limituar dhe në vullnetin vendeve që nuk e kanë njohur pavarësinë e Kosovës.
Qëndrimi i LDK-së për tentimet e fundit për shfuqizimin e Ligjit mbi Dhomat e Veçanta të Gjykatës Speciale dhe Prokurorinë e veçantë, nuk kanë të bëjnë me dëshirën që njerëzit tanë të gjykohen jashtë vendit. Por, me përgjegjësitë të cilat shteti ynë i ka marrë me ndryshimet kushtetuese dhe me Ligji. Janë detyrime ndërkombëtare, të cilat nuk mund të zhbëhen me nënshkrime të deputetëve në një mbrëmje. Veçmas kur gjykata është funksionalizuar, kur vendet e BE-së dhe SHBA kanë ndarë buxhetet dhe kanë filluar implementimin. Si pasojë prapë do të kishim një ndërhyrje të Këshillit të Sigurimit të OKB-së dhe rifuqizim të Rezolutës 1244 dhe të rolit të Rusisë në vendin tonë. Do të kishim izolimin e Kosovës.
Kjo gjykatë nuk është themeluar me destinim të trajtojë vrasjet e veprimtarëve të LDK-së. Do të trajtojë të gjitha krimet për periudhën për të cilën është mandat i saj. Këto krime është dashur ti trajtojnë me kohë organet e drejtësisë që veprojnë në Kosovë, që kanë qenë në përgjegjësi të UNMIK-ut, të EULEX-t dhe tani në përgjegjësi vendore, por për fat të keq nuk i kanë trajtuar.
Edhe prolongimi i pakuptimt i veprimit të Gjykatës Speciale, pas aprovimit të ligjit, ka krijuar hapësirë për frustrime, për manipulime me emra dhe personalitete të niveleve të ndryshme nga individ të papërgjegjshëm. Në këtë rast përgjegjësia bie mbi instuticionet shumë byrokratike të BE-së.
Gjykata Speciale nuk do ti zgjidhë të gjitha krimet në Kosovë, ajo do të trajtojë një pjesë të tyre. Kosova dhe institucionet e Kosovës duhet të marrin guximin, jo të propozojnë zhbërjen e Gjykatës Speciale përmes shfuqizimit të Ligjit, por të marrin përgjegjësinë për trajtimin e krimeve, vrasjeve e torturave që kanë ndodhur në vendin tonë.
Kryerësit e krimeve janë individë; nuk janë shqiptarët, UÇK-ja dhe Kosova!
Të tjera
-
Kurti e Sarrazini patën mëngjes pune, temë ujdia për udhëtime me letërnjoftime në Bosnjë
Kryeministri i Kosovës, Albin Kurti, takoi për një mëngjes pune, Përfaqësuesi...
-
Polonia përgatitet për luftë, ministri i Mbrojtjes: Investojmë miliarda për “Mburojën Lindore”, kemi 700 kilometra kufi për të siguruar
Polonia po përgatitet gjithmonë e më shumë për një agresion të mundshëm të Ru...
-
Gjetjet e auditorit: Buxheti i shtetit u dëmtua me mbi 1.5 milionë euro nga keqpërdorimet e Ligjit për Sponzorizime
Zyra Kombëtare e Auditimit ka gjetur një numër të konsiderueshme të shkeljeve...
-
Armët suedeze mund të sulmojnë objektivat ushtarake në Rusi
Qeveria suedeze nuk ka asgjë kundër Ukrainës që të përdorë armët e prodhuara ...
-
Spanja, Norvegjia dhe Irlanda e njohin zyrtarisht shtetin palestinez
Spanja, Norvegjia dhe Irlanda zyrtarisht e kanë njohur zyrtarisht një shtet p...
-
Diplomati austriak: Thaçin e cilësonim më shumë si figurë politike sesa ushtarake, struktura e UÇK-së e shpërndarë
Gjatë dëshmisë së tij në Hagë, dëshmitar Jan Kickert tha se gjatë vitit 1998,...
-
Kurti: Një nga arritjet më të mëdha që nga viti 2021 është se 40% e profesionistëve të emëruar janë gra
Mëngjesin e sotëm, kryeministri i Kosovës, Albin Kurti, priti në hapësirat e ...
-
Kosova nuk shkon në zgjedhje të parakohshme?
Iniciativa e Partisë Demokratike të Kosovës që të shpërndahet Kuvendi dhe Kos...
-
Stano: Ende s’ka përfunduar raporti i BE-së për heqjen eventuale të masave për Kosovën
Zëdhënësi i Bashkimit Evropian Peter Stano, ka thënë se ende nuk ka përfundua...
-
Rrufeja godet aeroplanin Cyrih-Shkup
Ekipi i volejbollit të Maqedonisë është përballur me një situatë të të rrezik...
-
Pamje emocionuese: Ushtarja e KFOR-it amerikan në Kosovë befason djalin në ditën e diplomimit në SHBA
Nëna që shërben në Kosovë në kuadër të KFOR-it amerikan, i shkon ditën e dipl...
-
Po bënin gara me vetura, gjobitën dy shoferë në Mitrovicë
Dy persona janë gjobitur me nga 400 euro, katër pikë negative si dhe masa mbr...