Lajme

Mustafa kërkon nga bizneset e diasporës të shtojnë investimet në Kosovë

Autori: Gazeta inFokus 21:36 | 04 September 2017

Kryeministri në largim i vendit, Isa Mustafa, priti në takim kryetarin e Rrjetit të bizneseve të diasporës në Austri, Yll Blakaj.

Mustafa theksoi përkushtimin e Qeverisë për të krijuar kushte sa më të favorshme për afarizëm për bizneset, me theks të posaçëm për bashkatdhetarët tanë që merren me biznes në diasporë, bën të ditur një njoftim nga Kryeministria.

Po ashtu, kryeministri i njoftoi për punën që ka bërë Qeveria në përgatitjen e Pakos Fiskale 2, e cila do të avanconte edhe më shumë ambientin e të bërit biznes në Kosovë, pas suksesit që është arritur me Pakon Fiskale 1.

-Advertisement-

Mustafa falënderoi përfaqësuesit e bizneseve nga diaspora për gatishmërinë e tyre për të investuar në Kosovë, duke kërkuar nga ta që të shtojnë investimet edhe në të ardhmen.

Kryetari i Rrjetit të bizneseve të diasporës në Austri, Ylli Blakaj, falënderoi kryeministrin Mustafa për pritjen si dhe për mbështetjen e dhënë për bizneset e diasporës, duke e njoftuar edhe për plane konkrete që lidhen me investime në të ardhmen.

Subscribe në YouTube: GAZETA INFOKUSI