Lajme

Mustafa: Gratë kosovare rol vendimtar në ndërtimin e institucioneve të sigurisë

Autori: Gazeta inFokus 15:30 | 03 May 2017

Kryeministri i Kosovës, Isa Mustafa, priti në takim Grupin Joformal të Grave në Institucionet e Sigurisë, të përbërë nga zëvendëskryetarja e Komisionit Parlamentar për Siguri, deputetja Ganimete Musliu, drejtuesja e Shoqatës së Grave të Policisë së Kosovës, Taibe Canolli, përfaqësueset e MFSK-së, Inspektoratit Policor dhe institucioneve tjera të sigurisë.

 Mustafa, vlerësoi rolin e pazëvendësueshëm që gratë kanë dhënë dhe po vazhdojnë të japin në ndërtimin e shtetit të Kosovës, duke përfshirë kontributin e madh në kuadër të institucioneve të sigurisë.

Kryeministri, tha se gratë kosovare kanë rol pozitiv shumëdimensional në këtë aspekt, duke qenë aktive në luftimin e dukurive negative, por edhe duke qenë simbol i integritetit personal dhe profesional.

“Kosova ka sot institucione të sigurisë shumë kredibile dhe të vlerësuara maksimalisht në rajon dhe më gjerë si rezultat edhe i rolit të madh të grave kosovare në ndërtimin dhe fuqizimin e këtyre institucioneve”, thaMustafa.

-Advertisement-

Me këtë rast,Mustafa theksoi përkushtimin e plotë të Qeverisë së Kosovës për të përkrahur çdo iniciativë e cila fuqizon dhe e rritë edhe më tutje ndikimin e pamohueshëm pozitiv të gruas kosovare në politikë, ekonomi, mirëqenie sociale, në fushën e sigurisë dhe të gjitha fushat e tjera të jetës në vend.

Deputetja e Kuvendit të Kosovës, njëherësh zëvendëskryetare e parë e Komisionit për Punë të Brendshme, Siguri dhe Mbikëqyrjen e FSK-së, Ganimete Musliu njoftoi kryeministrin Mustafa për angazhimet e grupit joformal si dhe theksoi nevojën dhe mundësitë e fuqizimit të rolit të grave kosovare në institucionet e sigurisë dhe në shumë fusha të tjera relevante për zhvillimin e vendit.

Edhe përfaqësueset tjera të institucioneve të sigurisë, të pranishme në takim, folën për avancimin e pozitës së grave si dhe kontributin e grave në progresin që po arrihet në të gjitha fushat, në Kosovë./Telegrafi/

Subscribe në YouTube: GAZETA INFOKUSI
Etiketa:

Të tjera

Fokusi

lajme