Mustafa godet Kurtin e Osmanin: Vendi po rrëshqet në një fazë të rrezikshme
Autori: Gazeta inFokus 12:13 | 03 April 2021
Ish-kryetari i Lidhjes Demokratike të Kosovës (LDK), Isa Mustafa thotë se veprimi i kryeministrit Albin Kurti, përkatësisht i Grupit Parlamentar të Vetëvendosjes, për të votuar ndryshimin për Ligjin e Zgjedhjeve ishte një veprim i paramenduar. Ai mes rreshtave ka një porosi edhe për kryetarin e tanishëm të LDK-së, Lumir Abdixhiku duke shtuar se vetëm një opozitë e vendosur e ndal brutalitetin politik të Kurtit.
Mustafa në një prononcim për KosovaPress thotë se veprimet e Kurtit dhe VV-së gjatë së premtes mund t’i jepen epitetet e llojllojshme, si shantazhim i opozitës, kapje e shtetit por assesi veprim i një demokracie parlamentare në Evropë.
Mustafa theksoi se për gjithë këto sjellje Kurti nuk është fajtor pasi që siç thotë atë dhe Vjosa Osmanin e kanë njohur të gjithë.
“Duket se ishte dhe është një veprim i paramenduar i Kurtit, përkatësisht Grupi Parlamentar të Vetëvendosjes. Këtij veprimi mund t’i jepen epitete të llojllojshme, shantazhim i opozitës, kapje e shtetit, arbitrarizëm etj, por asesi veprim i një demokracie parlamentare në Evropë. Albini nuk mund të jetë fajtor për këto sjellje, sepse të gjithë e kanë njohur, atë dhe Vjosën, kurse qytetaret këtu dhe në diasporë ua kanë dhënë fuqinë me votë që të bëjë çfarë të duan”, tha Mustafa.
Iniciativa e Kurtit për të votuar ndryshimet në Ligjin për Zgjedhjet u pa edhe si shantazh për zgjedhjen e presidentes.
Megjithëkëtë, Mustafa thotë se vendi po rrëshqet në një fazë të rrezikshme për shtetin dhe demokracinë.
“Vendi po rrëshqet në një fazë të rrezikshme për shtetin, demokracinë dhe jetën parlamentare”, potencoi Mustafa.
Kryetari i LDK-së, Lumir Abdixhiku deklaroi ditë më parë se kishte zgjedhur konstruktivitetin dhe për të qenë pjesë e zhvillimeve për stabilitet dhe jo obstruksionin duke mos marrë pjesë në seancë për zgjedhjen e presidentit.
Pikërisht duke marrë shkas nga kjo fjali, Mustafa duket se paralajmëron edhe Abdixhikun duke shtuar se relacioni pozitë-opozitë nuk mund të zëvendësohet me asnjë diskurs dhe se vendosmëria e opozitës mund të ndal atë që ai e quan “brutalitet politik e shtetëror” të LVV.
“Albini po thotë, ‘unë iu shkelë të gjithëve’; disa po i thonë ‘mos na shkel sepse ne jemi konstruktiv nuk bëjmë obstruksion!?’ Mendoj se relacioni pozitë-opozitë nuk mund të zëvendësohet dhe modifikohet me asnjë diskurs. Vetëm vendosmëria e opozitës e ndal një brutalitet të tillë politik e shtetëror”, tha Mustafa.
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...