Deputetja nga radhët e PDK-së, Ganimete Musliu, ka reaguar në lidhje me ligjin për koeficientin e pagave, i cili është braktisur sot në Kuvend nga deputetet e LVV-së.

Musliu tha se Lëvizja Vetëvendosje mjaftohen duke postuar një fotografi në rrjetet sociale dhe mendojnë që e kena kryer obligimin shtetëror ndaj këtij Institucioni.

Fjalimi i plotë i deputetës:

Të dashur qytetarë të Republikës së Kosovës,

Nuk është hera e parë sot, që për koeficient të pagave Lëvizja Vetëvendosje braktis dhe bojkoton sallën e Kuvendit.

E mbani mend mirë që është po kjo Lëvizja Vetëvendosje e cila para një jave braktisi Kuvendin e i bojkotoi kërkesat e policisë së Kosovës.

Atyre policëve me të cilët fotografohen e krenohen cdo ditë, sepse Levizjes Vetëvendosje nuk i intereson se si jetojnë policët e Kosovës.

Nuk ju intereson a kanë këpucë me mbath, a kanë uniforma me vesh, a kanë policët per ti ushqyer fëmijët e tyre, sepse anëtarët e Vetëvendosjes fëmijët e tyre i rrisin e i shkollojnë nëpër shtetet e Evropës.

Lëvizja Vetëvendosje mjaftohen duke postuar një fotografi në rrjetet sociale dhe mendojnë që e kena kryer obligimin shtetëror ndaj këtij Institucioni.

Të dashur qytetarë

Është po lëvizja Vetëvendosje e cila e braktisi Kuvendin sa herë që lëshohej himni I Kosovës në këtë sallë.

Është po lëvizja Vetëvendosje që e braktisi dhe shpërdoroj flamurin e Kosovës.

Është po lëvizja Vetëvendosje që nuk e njohu dhe protestoi kundër Pavarësisë së Kosovës derisa erdhi në pushtet.

Është po lëvizja Vetëvendosje që diasporën e sheh vetëm si bankomat edhe si votë dhe e pat se si i mashtroi me kartonin e gjelbërt.

Është po lëvizja Vetëvendosje e cila shkeli mbi gjakun e Astrit Deharit, Mon Balajt e Arben Xheladinit për me ardh në pushtet, e sot i humbin edhe provat për moszbardhjen e rastit.

Të dashur qytetarë

Albin Kurti dhe kjo lëvizje as që don me ni për kërkesat e qytetarëve, qofshin ato te policëve apo ushtarëve, qofshin ato të minatorëve, qofshin ato te mjekëve apo infermierëve, qofshin ato të mësuesëve apo të zjarrfiksëve, qofshin ato të bujqëve e fermerëve, qofshin ato të sportistëve e artistëve, të shoqërisë civile apo të mediave.

Sepse krejt çka done çka synon ky pushtet është të varfëroj popullin e Kosovës për ti sunduar me lehtë.

LVV ka ardh në pushtet me iden komuniste: “që të pasurit do ti bëjmë më të varfër e të varfërit do ti bëjmë më të pasur” dhe ajo çka shohim sot qytetarë të dashur është që me ardhjen në pushtete të Lëvizjes Vetëvendosje, të pasurit janë bërë më të varfër e të varfëritt I kanë qit përtoke e I kanë rrënu për së gjalli.

Lëvizja Vetëvendosje erdhi në pushtet me slloganin hajnat në burg e nuk la gja pa vjedh prej që ka ardh në pushtet.

Qytetarëve u’a vodhi edhe bukën e gojës, edhe vajin, edhe sheqerin e në fund po u’a vjedh edhe shpresën.

Lëvizja Vetëvendosje erdhi në pushtet me slloganin shkon Lumezi e vjen Elezi, e prej se ka ardh në pushtet I ka shpallë luftë gjykatave dhe prokurorisë e i ka lanë gjykatat edhe pa Lumez e edhe pa Elez.

Kështu që qytetarë të dashur, mos pritni që kjo qeveri ta ngris koeficientin e pagës e të mendoj për ju, sepse kjo qeveri vetem per qytetarët e Kosovës nuk mendon.

Mos prisni por organizohuni dhe në çdo formë demokratike kërkojeni e mbrojeni të drejten tuaj që ju takon dhe mos lejoni që të poshtëroheni nga asnjë qeveri kushdo qofte ajo e as Albini e nga nga Lëvizja Vetëvendosje.

Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Sponsoruar