Lajme

Musliu: Personi që më kërcënoi ra në propagandën e Vetëvendosjes

Autori: Gazeta inFokus 14:22 | 07 August 2023

Deputetja e Partisë Demokratike të Kosovës Ganimete Musliu, ka reaguar pasi Gjykata Themelore e Prishtinës e ka dënuar mërgimtarin D.M, me gjashtë muaj burgim, për shkak të kërcënimit ndaj saj.

Musliu pas vendimit deklaroi se i pandehuri “kishte rënë në propagandën e Lëvizjes Vetëvendosje”.

“Ky person që më kanosi nga Zvicra, të premten në seancë tha se “nuk voton në Kosovë prej 20 vitesh” dhe pranimin e fajësisë e bëri krejt formlisht e në mënyrë të pasinqertë”, tha Musliu.

-Advertisement-

Sipas saj kërcënimi kishte ardhur pasi që në dhjetor të vitit të kaluar, pas një debati të ashpër që kisha me kryeministrin Kurti në seancë plenare.

“Ky është një shembull konkret se gjuha me të cilën partia – shtet i ushqen militantët e saj, është gjuhë e urrejtjes, përçarjes dhe mos durimit. Dhe si e tillë jo vetëm e papranueshme por edhe e dënueshme”, theksoi ajo.

“Përndryshe, konsideroj se dënimi ndaj personit që më kanosi, është shumë i ulët dhe do të konsultohem me avokatin tim për të ndërmarrë veprimet e nevojshme për t’a kundërshtuar me ankesë”, tha deputetja e PDK-së.

Dënohet me 6 muaj burg mërgimtari nga Zvicra, kanosi Ganimete Musliun

Subscribe në YouTube: GAZETA INFOKUSI
Etiketa:
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera

Fokusi

lajme