Lajme

Musliu: Gratë janë motorët e ndryshimeve, kur ato udhëheqin kemi një shoqëri me të barabartë, fortë e progresive

Autori: Gazeta inFokus 11:16 | 30 January 2025

Ganimete Musliu, kandidate për deputete me numrin 12 nga Partia Demokratike e Kosovës, ka thënë se përkrahja e grave në cdo fushatë është më shumë se një akt mbështetjeje, shkruan Gazeta Infokus.

Ajo përmes një postimi në “Facebook”, ka shkruar se fuqizimi i grave nuk është thjesht një hap drejt barazisë.

“Përkrahja e grave në çdo fushatë është më shumë se një akt mbështetjeje; është një manifestim i fuqisë dhe potencialit të jashtëzakonshëm që ato mbartin.  Ky akt është një sinjal i qartë për shoqërinë, që tregon se gratë janë shtyllë e fortë dhe e pazëvendësueshme e çdo ndryshimi të vërtetë dhe të qëndrueshëm. Fuqizimi i grave nuk është thjesht një hap drejt barazisë, por një mundësi për të ndërtuar një të ardhme ku të drejtat dhe mundësitë janë të barabarta për të gjithë. Gratë janë motorët e ndryshimeve, dhe kur ato udhëheqin dhe marrin vendime, shoqëria e gjithëpërfshirëse, e drejtë dhe e zhvilluar, bëhet e mundur”, ka shkruar Musliu.

-Advertisement-

Po ashtu ajo theksoi se investimi në fuqizimin e grave është një investim në të ardhmen e shoqërisë tonë.

“Investimi në fuqizimin e grave është një investim në të ardhmen e shoqërisë tonë, një hap përpara drejt një Kosove ku çdo individ ka mundësi të barabarta për të kontribuar dhe arritur potencialin e tij. Kur gratë janë në udhëheqje, ajo që ndodh është një shoqëri më e barabartë, më e fortë dhe më progresive”, ka shkruar tutje Musliu.

Ndryshe Ganimete Musliu kandidon për deputete me numrin 12 në zgjedhjet e 9 shkurtit nga PDK./Gazeta Infokus/

Më poshtë gjeni postimin e saj të plotë:

Subscribe në YouTube: GAZETA INFOKUSI
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera