Lajme

Mushkolaj: Nëse nuk mbahen zgjedhjet e jashtëzakonshme, po i bie që Vuçiqi nuk po i lejon zgjedhjet në Kosovës

Autori: Gazeta inFokus 21:36 | 07 December 2022

Analisti Imer Mushkolaj, ka folur për zgjedhjet e jashtëzakonshme që pritet të mbahen në katër komunat veriore të Kosovës me 18 dhjetor. Këto zgjedhje të jashtëzakonshme kanë ardhur si rezultat i bojkotimit të institucioneve nga serbët lokal të Kosovës të pirur nga Lisat Serbe, të cilët janë duke i kundërshtuar këto zgjedhje pasi të martën 6 dhjetorit pati sulme me bomba në Zyrat e KKZ-së në komunat veriore.

Por Mushkolaj ka thënë se për institucionet është ma e lehta me thënë se nuk po i mbajmë zgjedhjet.

“Nuk është aq e lehtë të thuhet se nuk do të mbahen zgjedhjet sepse duhet t’i kemi parasysh rrethanat, sepse me thanë nuk do të mbahen zgjedhjet shkelet Kushtetua e Kosovës”, ka thënë Mushkolaj.

“Ne vazhdimisht i kemi thënë kryeministrit të Kosovës, Albin Kurti se ka bërë mirë që i ka ndaluar zgjedhjet e Serbisë në Kosovës dhe referendumin, por nëse nuk mbahen zgjedhjet po i bie që presidenti i Serbisë Aleksandar Vuçiq, nuk po i lejon zgjedhjet e Kosovës me u mbajt brenda territorit të Kosovës në veri të Kosovës, kjo është kaq e thjesht”, ka theksuar analisti.

Më tej, ai ka thënë se beteja për zgjedhjet nuk është teknike por është tendencë e palëve për ta forcuar pozicionin në dialog.

“Shteti Kosovës duhet të bëjë ç’mos që zgjedhjet të mbahen, por jo me rrezikimin e jetëve të qytetarëve”, ka përfunduar Mushkolaj.

E premtja me zbritje të mëdha në ETC

Të tjera