Lajme

Murati: Të gjitha vendimet Kurti i ka marrë që të mos e zbatojë Asociacionin

Autori: Gazeta inFokus 09:56 | 14 February 2024

Kryetari i Lëvizjes për Bashkim, Valon Murati, ka thënë se veprimet e kryeministrit Albin Kurti kanë pasur një synim në vazhdimësi.

Ai ka theksuar se Kurti po bën demagogji politike dhe se veprimet e tij kanë pasur një qëllim që të mos implementohet Asociacioni i komunave me shumicë serbe.

“Potezat që ai i bën në vazhdimësi e ka një qëllim. Targat, zgjedhjet në veri, vendosja në objekte në veri, dinari, të gjitha nëse i shohim të shkëputura duken ‘okej’, por në thelb ato janë të ndërtuar mjeshtërisht nga Kurti me një qëllim, për të mos e implementuar Asociacionin. Deri te çështja e Asociacionit ka ardhur me populizëm, thoshte se bisedimet janë çështje e shtatë, kjo është lojë demagogji e jashtëzakonshme politike”, ka thënë ai në Interaktiv.

-Advertisement-

Murati ka shtuar se në fillimin e qeverisjes nga SHBA-ja as nuk përmendej Asociacioni, deri në planin franko-gjerman.

Sipas Muratit, kryeministri po e fut Kosovën sërish në situatë të vështirë me ndërkombëtarët për shkak të dinarit.

Subscribe në YouTube: GAZETA INFOKUSI
Etiketa:
Comodita Home nis epokën e franshizës në Belgjikë
-Advertisement-

Të tjera

Fokusi

lajme