Lajme

Murati: Reagimi i Spanjës, nuk mund ta ndal vullnetin për pavarësi të katalonasve

Autori: Gazeta inFokus 16:26 | 01 October 2017

Ish-ministri i diasporës, Valon Murati me anë të një postimi në facebook ka komentuar situatën në Spanjë pas refrendumit për pavarësi të Katalonisë.

Ai ka deklaruar se as reagimi i ashpër i Spanjës nuk do të mund ta ndal vullnetin e katalonasve.

“Dallim i madh në mes të mënyrës sesi iu përgjigj Britania e Madhe kërkesës së Skocisë për referendum për pavarësi dhe reagimit të shtetit spanjoll ndaj kërkesës katalanase për të njëjtën gjë. Dëshmi kjo se në Evropë kemi tradita të ndryshme të demokracisë, prej Britanisë së Madhe si djep i demokracisë dhe Spanjës që deri në vitet e 70’ të shekullit të kaluar ishte diktaturë. Reagimi i shtetit spanjoll, nuk mund ta ndal vullnetin për pavarësi të katalonasve, por gjithsesi mund ta tensionojë situatën”, ka shkruar Murati në facebook.

-Advertisement-

“Përderisa reagimi britanik (apo edhe ai kanadez në Kuebek) që ka lejuar referendumin ka shtensionuar situatën në maksimum. Përndryshe nuk duhet të harrojmë që qyteti i Barcelonës ka qenë ndër të parët që ka ndihmuar Kosovën pas luftës dhe parlamenti katalonas ndër të parët që ka përshëndetur shpalljen e pavarësisë së Kosovës”, ka thënë Valon Murati.

Subscribe në YouTube: GAZETA INFOKUSI