Lajme

Murati: Në gusht do të hapim aplikimin për shtesat për fëmijë edhe për një gjeneratë

Autori: Gazeta inFokus 13:11 | 24 July 2022

Ministri i Financave, Punës dhe Transfereve, Hekuran Murati, njofton se vetëm këtë muaj skemës së shtesave për fëmijë i janë shtuar 10,853 fëmijë dhe 1,992 gra skemës së shtesave për lehonat.

Teksa njofton se në gusht do të hapin aplikimin për shtesat për fëmijë edhe për një gjeneratë.

Njoftimi i plotë i tij:

Janë 164,388 fëmijë e 19,753 lehona që kanë pranuar shtesa që nga shtatori i vitit të kaluar e deri më sot. I patëm premtuar e po i paguajmë çdo muaj.

Vetëm këtë muaj kemi 10,853 fëmijë që i janë shtuar skemës së shtesave për fëmijë e 1,992 gra skemës së shtesave për lehonat.

Të hënën Ministria e Financave, Punës dhe Transfereve do të realizojë pagesat për këto dy skema.

Në muajin gusht do të hapim aplikimin për shtesat për fëmijë edhe për një gjeneratë, për të gjithë fëmijët që kanë lindur në vitin 2013.

Kështu do të vazhdojmë deri në përmbushjen e plotë të premtimit për të përfshirë të gjithë fëmijët e Republikës deri në moshën 16 vjeçare në skemën e shtesave për fëmijë.

Të tjera