Lajme

Murati e quan të domosdoshme ndarjen e mjeteve buxhetore për subvencionimin e importit të energjisë elektrike

Autori: Gazeta inFokus 13:15 | 22 July 2022

Ministri i Financave, Punës dhe Transfereve, Hekuran Murati e ka quajtur të domosdoshme ndarjen e mjeteve buxhetore për subvencionomin e importit të energjisë elektrike.

Gjatë raportimit në Komisionin hetimor për krizën energjetike, Murati tha se për çdo cent të ndarë ekziston baza ligjore.

“Çmimet e larta të importit dhe rënia e bllokut Kosova B, shtojnë nevojën për subvencionim të energjisë”, tha ai.

-Advertisement-

Megjithatë, Murati tha se 90 milionë euro të zotuara për krizën energjetike ende s’janë disbursuar, pasi është në metodologjinë e ekzekutivit se si bëhet shpërndarja e tyre.

Para deputetëve, Murati tregoi edhe kur është informuar për krizën energjetike vitin e kaluar.

“Në tremujorin e fundit të vitit të kaluar jemi informuar se mund të kemi probleme në sektorin energjetik, pasi çmimi i importit ka lëvizur”, tha ai.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme