Mungon prokurorja, dështon seanca në rastin ku kryetari i Kamenicës dhe tre tjerë akuzohen për pengim të zyrtarëve policorë
![](https://gazetainfokus.com/wp-content/uploads/2022/11/Gjykata.jpg)
Autori: Gazeta inFokus
09:54 | 24 November 2022
Për shkak të mungesës së prokurores Kujtesa Fazliu, ka dështuar të mbahet shqyrtimi gjyqësor në rastin ku kryetari i Komunës së Kamenicës, Kadri Rahimaj, si dhe tre të akuzuarit tjerë Shahin Maliqi, Besim Ismajlaj dhe Feim Maliqi, po akuzohen se në tetor të 2020-ës, në Kamenicë, përballë shkollave të mesme, kanë penguar personat zyrtarë në kryerjen e detyrave zyrtare.
Lidhur me mungesën e prokurores Fazliu, gjykatësja e rastit Valbonë Dervodeli njoftoi se prokurorja e ka njoftuar gjykatën se kanë marrë njoftim nga Këshilli Prokurorial i Kosovës (KPK) se ata do të angazhohen vetëm në rastet urgjente, siç janë ato të paraburgimit, e të tjera.
Për shkak të situatës së krijuar në sistemin e drejtësisë, seanca është shtyrë në kohë të pacaktuar, raporton “Betimi për Drejtësi“.
Ndryshe, në prill të këtij viti, kryetari Rahimaj, si dhe të akuzuarit tjerë Maliqi dhe Ismajlaj, përmes mbrojtësve të tyre, kanë paraqitur kërkesa për negocim në Prokurorinë Themelore në Gjilan për të hyrë në marrëveshje mbi pranimin e fajësisë, mirëpo një marrëveshje e tillë nuk ka ndodhur.
Më 29 tetor 2020, në seancën fillestare katër të akuzuarit e kishin mohuar fajësinë për veprën penale me të cilën ngarkohen.
Ndërkaq, ata përmes mbrojtësve të tyre përkatës kishin bërë kërkesa për hudhje të aktakuzës, të cilat kërkesa i kishte refuzuar Gjykata e Kamenicës.
Kurse, ankesë kundër këtij vendimi të Themelores kishte bërë i akuzuari Besim Ismajlaj përmes mbrojtësit të tij, avokatit Granit Mavriqi, të cilën ankesë e kishte refuzuar Gjyakata e Apelit.
Prokuroria Themelore në Gjilan, më 12 tetor 2020, ka ngritur aktakuzë ndaj Kadri Rahimajt, Shahin Maliqit, Besim Ismajlajt dhe Feim Maliqit, me arsyetimin se ata më 5 tetor 2020, në Kamenicë, përballë shkollave të mesme, kanë penguar personat zyrtarë në kryerjen e detyrave zyrtare.
Sipas prokurorisë, si pasojë e pakënaqësisë së reformave në arsim, kanë organizuar një protestë të paparalajmëruar, ku e kishin bllokuar rrugën duke i vënë fëmijët përpara dhe pas tentimit nga policia për ta liruar atë, të njëjtit kanë kapur fëmijët e tyre duke i detyruar që të dalin para veturave të policisë, të hypnin mbi këto vetura dhe tërë kohën kanë goditur me duar në njërën veturë policore.
Tutje, në aktakuzë thuhet se të akuzuarit për një kohë të gjatë kanë bllokuar këtë veturë, pastaj gjithnjë duke i nxitur fëmijët kanë arritur para objektit të komunës ku kanë shtyrë ata që të futen në këtë objekt duke e hapur me forcë portën dhe duke i futur disa fëmijë brenda rrethojave të objektit si dhe përmbi rrethoja derisa kanë arritur që t’i fusnin të gjithë fëmijët brenda objektit të komunës.
Me këtë, Kadri Rahimaj, Shahin Maliqi, Besim Ismajlaj dhe Feim Maliqi po akuzohen se në bashkëkryerje kanë kryer veprën penale “Pengimi i personit zyrtar në kryerjen e detyrave zyrtare”, nga neni 401, paragrafi 5 lidhur me nenin 31 të Kodit Penal, vepër kjo e dënueshme me burgim prej një deri në pesë vjet. /BetimipërDrejtësi
![](https://gazetainfokus.com/wp-content/uploads/2024/01/albulena1.jpg)
Të tjera
-
Shpërthen goma e avionit, dy të vdẹkur në SHBA
Një ngjarje e rëndë ka ndodhur në aeroportin e Atlantës në SHBA, ku dy person...
-
“Një i lënduạr” – Policia jep detaje për gjuajtjen me ạrmë në qendër të Prishtinës
Policia e Kosovës ka dhënë detaje në lidhje me incidentin e armatosur që ndod...
-
Arrestohet një 60 vjeçar si i dyshuar për plạgosjen që ndodhi sonte në Prishtinë
Një person raportohet se ka mbetur i plagosur në këmbë, pasi në drejtim të ti...
-
Mefail Bajqinovci i bindur: Ura do të hapet, shefi i CIA-s nuk erdhi për urë
Deputeti i LVV-së, Mefail Bajqinovci, “garantoi” se nuk do të cënohet asnjë u...
-
Raportohet për gjuajtje me ạrmë zjạrri në Prishtinë, Policia bllokon një pjesë të rrugës
Para pak minutash dyshohet se ka ndodhur një gjuajtje me armë në Prishtinë. ...
-
Zyra e kryeministrit jep detaje për takimin e Kurtit me Admiralin Stuart Munsch
Kryeministri i Kosovës, Albin Kurti priti sot në takim Komandantin e Komandës...
-
Udhëheqësi suprem i Iranit, i hapur ndaj negociatave me SHBA për programin bërthamor
Udhëheqësi suprem i Iranit la të hapur të martën mundësinë e negociatave të r...
-
Ish-presidentja Jahjaga darkon me admiralin Munsch: E falënderova për kontributin e KFOR-it
Ish-presidentja e vendit, Atifete Jahjaga, ka darkuar sonte me admiralin Stua...
-
Begaj apel ambasadorëve dhe konsujve: Kosova duhet të mbështetet në çdo rrethanë
Presidenti i Shqipërisë, Bajram Begaj u ka bërë apel ambasadorëve dhe konsujv...
-
“Angazhimi im politik ka pasojë, rezultat dhe pikënisje luftën në Kosovë” – Rrëfimi i Dardan Molliqajt
Aktivisti dhe politikani Dardan Molliqaj, ka folur mbi fillet e angazhimit të...
-
Molliqaj: Kurti nuk e përjeton Kosovën, familjen dhe pronat i ka në Norvegji
Kryetari i PSD-së, Dardan Molliqaj, tha se kryeministri i vendit, Albin Kurti...
-
Gashi: S’kemi menduar asnjëherë për hakmarrje ndaj UDB-ashve shqiptarë edhe pse s’u penduan kurrë
Ish i burgosuri politik, Ramadan Gashi, në “Debat Plus”, ka rrëfyer për tortu...