Lajme

Mungesa e stafit në UP, e paralajmëruar para dy vjetësh

Autori: Gazeta inFokus 09:21 | 01 July 2017

Pezullimi i 23 programeve në Universitetin e Prishtinës (UP) nga Agjencia e Kosovës për Akreditim (AKA) për mungesë stafi akademik ishte paralajmëruar nga vetë ky Universitet më parë, shkruan sot, gazeta Zeri.

Ish-rektori Ramadan Zejnullahu, sipas një letre të siguruar nga gazeta “Zëri”, në vitin 2015 kishte kërkuar nga AKA-ja që të zgjatet koha e procesit të akreditimit.

“Pas analizave të bëra, e që lidhen me procesin e akreditimit (riakreditimit) të një numri të caktuar të programeve akademike, ju njoftojmë se: Numri i programeve ekzistuese në UP është në shpërputhje me kapacitetet akademike, me të cilat disponon sot UP-ja, por edhe me kapacitetet infrastrukturore dhe laboratorike”, thuhet në këtë letër.

-Advertisement-

Në shumë njësi akademike ish-rektori paralajmëronte se profilizimi i studimeve ka filluar ende pa u formësuar baza për studime (niveli bachelor) dhe kjo e udhëhequr shpesh, siç shprehet ai në këtë letër, nga “interesa joakademike”.

Në disa raste programet, ai shkruan në letër, reflektojnë jo më shumë se kërkesat e një moduli lënde, e në disa tjera kërkesa për specializim të ngushtë që nuk kërkohet në studimet themelore.

“Në shumë raste programet nuk reflektojnë përshtatje me kërkesat e tregut të  punës dhe as me nevojat për profile që fitohen si produkt i programit të caktuar. E tërë kjo ka bërë që sot në UP të jenë aktivë një numër i madh i programeve, të cilat në përputhje me kërkesat e AKA-së për staf akademik të rregullt dhe infrastrukturë përcjellëse nuk mund të akreditohen”, ka paralajmëruar rektori në atë kohë i UP-së, Ramadan Zejnullahu.

Subscribe në YouTube: GAZETA INFOKUSI
Etiketa:

Të tjera

Fokusi

lajme