Lajme

Muja krahason numrin e protestuesve me numrin e votuesve: Legjitimiteti i ulët i kryetarëve të rinj nuk po del edhe aq i ulët

Autori: Gazeta inFokus 15:29 | 06 June 2023

Deputeti i Lëvizjes Vetëvendosjes, Armend Muja, ka numëruar protestuesit serbë në komunat veriore, duke thënë se janë më pak se sa votat e kryetarëve të rinj.

Sipas tij, pjesëmarrja ne protestat në komunat veriore ka qenë: Zubin Potok dhe Leposaviq nga 120 persona, ndërsa në Zveçan afër 100 persona, që në total sipas tij kanë qenë 340 persona.

Sipas tij, këta numra tregojnë që “legjitimiteti ulët i kryetarëve nuk po del edhe aq i ulët”.

-Advertisement-

“Pjesëmarrja në protestat e sotme në komunat veriore ishte kështu: Në Zubin Potok dhe Leposaviq nga 120 veta ndërkaq në Zveçan afër 100 veta. Gjithsej rreth 340. Legjitimiteti i ulët i kryetarëve të rinj nuk po del edhe aq i ulët. Në fakt më shumë kanë vota ata, së bashku 411, sesa pati protestues sot në këto tri komuna”, ka shkruar Muja në Facebook.

Protestat në veri të vendit kanë filluar nga 26 maji, pasi kryetarët e rinj shqiptarë po kundërshtohen nga serbët lokalë. Situata e tensionuar në veri të vendit kanë nxitur edhe reagimin e ndërkombëtarëve, të cilët kanë kundërshtuar veprimet e Qeverisë Kurti.

Subscribe në YouTube: GAZETA INFOKUSI