Lajme

Muja: Duke dërguar statut për ‘Asociacionin’, Rama po forcon raportin e tij me Vuçiqin

Autori: Gazeta inFokus 13:33 | 08 June 2023

Deputeti i Lëvizjes Vetëvendosje, Armend Muja ka reaguar lidhur deklaratën e kryeministrit të Shqipërisë, Edi Rama, i cili ka thënë sot e ka dorëzuar një draft të Asociacionit të komunave me shumicë serbe, te presidenti francez, Emmanuel Macron dhe te kancelari gjerman, Olaf Scholz.

Muja ka potencuar se duke dërguar statut për ‘Asociacionin’ në Berlin e Paris, Rama vetëm sa po e shpërfaq dhe forcon Asociacionin e tij me Vuçiqin.

“Fort i kapur diku për krim e korrupsion duhet të jetë Edi Rama gjersa detyrohet t’ia bëjë këtë mënyrë vetes publikisht para gjithë kombit shqiptar.”, ka shkruar Muja në Facebook.

-Advertisement-

Ndryshe, kryeministri shqiptar, Edi Rama ka deklaruar se e ka dorëzuar një draft të Asociacionit të komunave me shumicë serbe, te presidenti francez Emmanuel Macron, dhe kancelari gjerman, Olaf Scholz. Për këtë dokument, ai ka thënë se i ka vënë në dijeni edhe presidentin e Këshillit Evropian dhe amerikanët.

Rama ka thënë se drafti është i punuar nga ekspertë dhe sipas tij pret që i njëjti të vlejë për të çuar në një nivel tjetër dialogun Kosovë-Serbi.

Subscribe në YouTube: GAZETA INFOKUSI