Analisti, Shenoll Muharremi, ka bërë një analizë për fushatën zgjedhore të 9 shkurtit të Lëvizjes Vetvendosje.

Muharremi ka thënë se strategjinë e LVV-së e ka parë si bixhoz të kryeministrit Kurti, ku ai nuk ka hyrë për të bashkëpunuar për të bërë kompromis, ka hyrë për të fituar “krejt” ose për të humbur gjithçka.

“Bixhozi i Albin Kurtit: “O Krejt, o Asgjë!” Kjo është si e kam parë strategjinë e LVV-së dhe Albin Kurtit prej ditës së parë. Ai nuk ka hyrë për të bashkëpunuar e për të bërë kompromis. Ka hyrë për të fituar “krejt” ose për të humbur gjithçka. Një ditë, kur analizova “Planin 500k” të LVV-së dhe kuptova sa i paarritshëm është; kur dëgjova narrativën negative dhe agresive të Albin Kurtit në fushatë, e quajta një ditë Albin Kurtin: Kumargji Politik. Disa nuk e kuptuan, por kjo nuk ishte një ofendim për të. Vetëm përshkrova si e shoh strategjinë e LVV-së në zgjedhje. Kishte aq shumë rreziqe dhe nuk kishin marrë parasysh ‘menaxhimin e riskut’. 500 mijë vota ishte diçka utopike, e pamundur as në teori, e lëre më në praktikë.” , ka shkruar ai

Ai shtoi se Kurti ka thënë “O krejt, o asgjë!” në tubimin zgjedhor që sontë e kishtë në Pejë, ku kjo strategji i ka sjellur punën në fund të fushatës që edhe nëse LVV fiton, kjo nënkupton si zero për të.

“Sonte e tha vetë Albin Kurti: “O krejt, o asgjë!”. Me këtë rast, do të jetë e fundit: ASGJË. Kjo jo për shkak se njerëzit nuk e preferojnë LVV-në. Një numër i jashtëzakonshëm ende e përkrah, por larg, tepër larg nga strategjia dhe Plani 500k. Larg nga “KREJT”. E kjo strategji e ka sjellur punën në fund të fushatës që edhe nëse LVV fiton, të themi, 45%, kjo nënkupton si zero për të. Krejt, o asgjë… nënkupton që i duhen së paku 46% të formoj qevinë vet, por një qeveri të dobët. “

Tutje Muharremi theksoi se Albin Kurti dhe strategjistët e LVV-së mund të fajësojnë vetëm veten, dhe se pas kësaj fitorja e tyre do të kthehet në humbje.

“Kështu, Albin Kurti dhe strategjistët e LVV-së mund të fajësojnë vetëm veten. Ata një lojë totalisht të fituar, me diferencë të lartë në gola, e transformuan në humbje. Dhe tash, pas gjithë kësaj, kur më 10 shkurt zgjohemi dhe e shohim që pritjet ishin jo reale dhe realiteti është ndryshe, fitorja kthehet në humbje. Gëzimi në dëshpërim. Po përse? Vetëm për shkak se u luajt kumar, bixhoz. “O Krejt, o Asgjë!” është një lojë kazinoje që gjithmonë do ta humbësh në politikë, ku ka shumë ndikime, rryma dhe interesa. Kështu e humbi LVV dhe Albin Kurti lojën ku kishin një avantazh 5:0 në start.”, ka shkruar Muharremi.

UNI-Universum International College rankohet me sukses në Times Higher Education Impact Rankings 2024

Sponsoruar