Muhamet Alidemaj dënohet me 15 vjet burgim për krime lufte në Izbicë
Autori: Gazeta inFokus 14:31 | 12 July 2024
Gjykata Themelore në Prishtinë e ka shpallur fajtor Muhamet Alidemajn dhe e ka dënuar me 15 vjet burgim për krime lufte gjatë vitit 1999 në Izbicë.
Sipas aktakuzës, Alidemaj kishte marrë pjesë bashkë me pjesëtarë të forcave policore dhe ushtarake serbe në vrasjen e civilëve shqiptarë në masakrën e Izbicës që kishte ndodhur në mars 1999, e ku ishin vrarë e masakruar 130 shqiptarë, raporton “Betimi për Drejtësi”.
Aktgjykimi ndaj Alidemajt u shpall të premten nga gjykatësi, Vesel Ismaili, i cili tha se në dënimin me burgim, të njëjtit do t’i llogaritet edhe koha e kaluar në paraburgim.
Po ashtu, të akuzuarit Alidemaj i vazhdohet masa e paraburgimit deri në plotfuqishmëri të aktgjykimit, por jo më shumë se dënimi i shqiptuar.
Kurse, ndaj tij u shpall aktgjykim refuzues për veprën tjetër, pra për dëmtim të kufomave, pasi në fjalën përfundimtare në seancën e 9 korrikut 2024, prokurori Ilir Morina u tërhoq nga pika e dytë e dispozitivit të aktakuzës, për shkak se nuk ishte arritur të vërtetohet se i akuzuari Alidemaj ka marrë pjesë në zhvarrosjen e viktimave.
Ndryshe, sipas aktakuzës së përpiluar më 29 mars 2022, Muhamet Alidemaj gjatë periudhës kohore 24 mars 1999 – 11 qershor 1999, gjatë konfliktit të armatosur në Kosovë, si pjesëtar i forcave policore dhe ushtarake serbe, së bashku me pjesëtarët e tjerë të forcave policore dhe ushtarake serbe, me dhunë i ndajnë gratë e fëmijët dhe dhunshëm i detyrojnë që të shkojnë në drejtim të Shqipërisë.
Ndërsa, aktakuza thotë se burrat e mbetur i ekzekutojnë me armë automatike duke i vrarë 130 persona, prej të cilëve 114 viktima u identifikuan, kurse 12 civilë i mbijetuan ekzekutimit. Pas dy muajve, thuhet se i zhvarrosën trupat me ekskavator dhe i larguan duke i transportuar me disa kamionë në drejtim të panjohur. Ndërsa, pas përfundimit të luftës trupat e viktimave u gjetën në varreza masive në Batajnicë të Serbisë, në fshatin Suhodoll të Mitrovicë dhe në fshatin Novolan të Vushtrrisë.
Me këtë, akuzohej se në bashkëkryerje, e ka kryer veprën penale “Krimi i luftës kundër popullsisë civile”, e sanksionuar me nenin 142 lidhur me nenin 22 të Ligjit Penal të Republikës Socialiste Federative të Jugosllavisë, si ligj në fuqi në kohën e kryerjes së veprës penale, aktualisht i sanksionuar sipas veprës penale “Krimet e luftës në shkelje të rëndë të nenit 3 të përbashkët për konventat e Gjenevës”, nga neni 146, lidhur me nenin 31 të Kodit Penal të Republikës së Kosovës.
Të tjera
-
Një i vdekụr në aksidentin në mes të një veture dhe kombibusi në Klinë
Një aksident trafiku në Preqevë të Klinës mes një veture dhe një kombibusi, t...
-
Shqyrtimi i rastit të Salih Mustafës, avokatët presin që t’i ulet akoma dënimi
Pasi Gjykata Supreme e Dhomave të Specializuara të Kosovës anuloi vendimin pë...
-
Dhjetëra kosovarë pagëzohen në katolik, në kishën e Llapushnikut “Shën Abrahami”
Kisha në fshatin Llapushnik të Drenasit është vendi ku shumë shqiptarë të Kos...
-
Pacolli gὀdet Osmanin: Është naive të mendosh se telefoni mund të klonohet gjatë kontrollit
Kryetari i Aleancës për Ardhmërinë e Kosovës, Behgjet Pacolli sërish ka reagu...
-
Qytetarët kërkojnë hapjen e urës mbi lumin Ibër
Qytetarët në jug të Mitrovicës po kërkojnë nga ekzekutivi kosovar që sa më sh...
-
Shembet dheu në rrugën Prishtinë-Podujevë, krijohen kolona të gjata
Kolona të gjata janë krijuar në aksin rrugor Podujevë-Prishtinë si pasojë e s...
-
Nga një muaj paraburgim për pesë të dyshuarit e arrestuar sot për krime lufte kundër popullatës civile shqiptare
Gjykata Themelore Prishtinë ka vendosur në çështjen penale kundër të pandehur...
-
Arrest shtëpiak për Blerim Ramadanin deri në vendimin për ekstradim në Serbi
Ish-pjesëtari i Ushtrisë Çlirimtare të Kosovës, Blerim Ramadani, është liruar...
-
Arrestimi i pesë serbëve nën dyshimin për krime ndaj civilëve shqiptarë – Vuçiq e quan “provokim” të qëllimshëm
Presidenti i Serbisë, Aleksandar Vuçiq, ka reaguar lidhur me arrestimin e pes...
-
Përditësohen të dhënat, ja sa gjatë po presin mërgimtarët për të hyrë në Kosovë
Momentalisht pritjet për të hyrë në pikën kufitare Dheu i Bardhë zgjasin 1 or...
-
Ministri Krasniqi njofton se dy vendime janë aprovuar në Gjykatë në favor në MAPL-së
Ministri për Administrimin e Pushtetit Lokal, Elbert Krasniqi ka bërë të ditu...
-
“Nesër Osmani dhe Sadriu do të ndjekin garën e kalorësve në Kroaci”
Presidentja e Republikës së Kosovës, Vjosa Osmani, të dielën do të qëndrojë p...