Sport

Mourinho rrezikon shkarkimin? Man United gjen zëvendësuesin e duhur

Autori: Gazeta inFokus 10:40 | 01 August 2018

Zinedine Zidane është në krye të listës së preferencave të Manchester United, gjithnjë nëse Jose Mourinho do të shkarkohet nga klubi britanik.

Situata e vështirë e “Special One” gjatë fazës përgatitore ka tronditur lojtarët dhe stafin e klubit, edhe pse portugezi ka edhe dy vite të mbetura në kontratën aktuale me “djajtë e kuq”.

Sipas burimeve nga “Old Trafford”, thirrja e parë që mund të bëjë United për zëvendësuesin e tij në pankinë është ajo ndaj Zidane.

-Advertisement-

Legjenda e Francës, sot 46 vjeç, nuk do t’i kushtonte asnjë cent klubit, kjo pasi ai u largua nga Reali i Madridit pas fitores së trofeut të tretë në Champions League me gjigantët spanjollë. Por, Zizou është i vetmi profil i lartë i lirë në rolin e trajnerit, pikërisht siç ishte Mourinho gjatë sezonit të fundit të Louis van Gaal me United.

Mourinho ka rritur tensionet brenda klubit, kur zbuloi se asnjë prej 5 objektivave të kërkuar prej tij në merkato nuk ka ardhur për të përforcuar ekipin, që dështoi të fitonte ndonjë trofe vitin e kaluar, duke e mbyllur sezonin në vendin e dytë të Premier League, plot 19 pikë larg Manchester Cityt.

Subscribe në YouTube: GAZETA INFOKUSI
Etiketa:

Të tjera

Fokusi

sport