Lajme

Moti për javën që po hyjmë: Temperatura mbi 30 gradë

Autori: Gazeta inFokus 13:05 | 18 Qershor 2023

Periudhë më stabile verore gjatë javës në vijim, më nxehtë me temperatura edhe mbi 30C deri të premten, parashikon “Prishtina Weather”.

18.06.2023 – Mot më stabil veror po parashihet të mbajë përgjatë javës vijuese. Do të ketë më shumë intervale me diell e kthjellime. Orëve të pasdites mund të zhvillohen vransira lokale, që nga dita e mërkurë edhe mund të krijojnë kushte për zhvillime të rrebesheve më të izoluara me bubullimë. Temperaturat maksimale shënojnë rritje edhe deri në 31C e 32C ditën e premtë, e ato minimale luhaten ndërmjet 10C e 16C.

Përgjatë fundjave, sipas parashikimeve të fundit, mund të pritet sërish mot jostabil me rrebeshe e bubullima më të shpërndara në vend.

-Advertisement-

Cilësia e ajrit do të jetë me indeks kryesisht në vlera të pranueshme dhe të mira. Orëve të pasdites shkaku i rritjes së koncentrimit të ozonit sipërfaqësor, indeksi kalon edhe në vlera mesatare apo edhe në të dobëta lokalisht.

19.06 – Shumë ngrohtë e kryesisht me diell.

20.06 – Intervale më të gjata me diell dhe shumë ngrohtë.

21.06 – Kryesisht me diell dhe shumë ngrohtë. Pasdite më vonë rreth zonave malore mundësi për ndonjë rrebesh shiu.

22.06 – Shumë ngrohtë dhe me diell. Pasdite vonë mundësi për ndonjë rrebesh shiu me bubullimë.

23.06 – Kryesisht me diell e nxehtë, pa përjashtuar mundësi për ndonjë rrebesh me bubullimë orëve të vona të pasdites.

Era do të fryjë kryesisht nga veriu e lehtë dhe mesatare 3-7m/s.

Shtypja atmosferike luhatet në vlera paksa më të larta nga normalet.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy