Lajme

Moti për fundjavë dhe ditët e para të javës së ardhshme

Autori: Gazeta inFokus 08:25 | 02 October 2021

Përgjatë fundjavës e deri të martën, moti do të jetë kryesisht me diell dhe më ngrohtë, derisa mëngjeset më të freskëta. Nga e mërkura ka mundësi për reshje shiu.

Pas motit me vransira dhe të reshura gjatë ditëve të shkuara, në ditët e ardhshme kemi një periudhë të motit më të qëndrueshëm me kthjellime dhe më shumë diell dhe më të ngrohtë gjatë ditës. Orëve të mëngjesit do të jetë më freskët, e përgjatë ultësirave shkurtimisht me mundësi për mjegull ose mjegullinë.

Nga mesi i javës së ardhshme sërish pritet përkeqësim i motit, ku priten kushte për të reshura shiu dhe rënie e temperaturave.

-Advertisement-

Indeksi i cilësisë së ajrit do të jetë kryesisht në vlera të pranueshme, mirëpo shkaku i motit më të qetë, herë herë vlerat e çastit mund të kalojnë edhe në mesatare, e vende-vende edhe në të dobëta.

2.10 – Kryesisht me diell. Mëngjesi më i ftohtë, nëpër ultësira mundësi për mjegull/mjegullinë.

3.10 – Kryesisht me diell e më ngrohtë, gjatë ditës edhe me vransira kalimtare. Orëve të mëngjesit përgjatë ultësirave mundësi për mjegull/mjegullinë.

4.10 – Kryesisht me diell e ngrohtë. Në mëngjes, nëpër lugina mundësi për mjegull/mjegullinë.

5.10 – Ngrohtë e kryesisht me diell. Nëpër lugina orëve të mëngjesit mundësi për mjegull/mjegullinë.

6.10 – Vransira dhe intervale me diell, e më vonë në mbrëmje priten edhe reshje lokale shiu.

Temperaturat minimale zbresin në 5C ditën e shtunë, e më pas në rritje graduale deri në 11C ditën e mërkurë. Maksimalet në rritje graduale deri në 22C të dielen, e të martën edhe deri në 24C.

Era do të fryjë nga krahu jugor e lehtë dhe mesatare 2-6m/s, e ditën e mërkurë me hove deri në 10m/s.

Shtypja atmosferike mbetet në vlera të larta, e më pas me tendencë të rënies nga mesi i javës. /Express/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy