Lajme

Moti në Kosovë për pesë ditë

Autori: Gazeta inFokus 11:44 | 13 November 2022

Java starton me mot stabil dhe kryesisht me diell. Nga dita e enjte më pas priten reshje shiu, parashikon “Prishtina Weather”.

13.11.2022 – Java e dytë e nëntorit, parashihet të filloj me mot stabil dhe kryesisht me diell, megjithëse orëve të mëngjesit me kushte për mjegull përgjatë ultësirave.

Ditën e mërkurë do të ketë shtim të vransirave, e nga dita e enjte po priten edhe kushte për të reshura shiu të kohëpaskohshme, që mund të vazhdojnë edhe nga dita e premte.  Me rënie të temperaturës, viseve malore sërish priten reshje bore që formojnë edhe shtresë dëbore në këto zona.

-Advertisement-

Cilësia e ajrit, pas një përmirësimi në fundjavë, sërish pritet të ketë rritje të koncentrimeve të ndotësve ajror në sipërfaqe, shkaku i motit më stabil.  Indeksi kalon në vlera të dobëta apo pashëndetshme, megjithëse orëve të pasdites në disa stacione vlerat e çastit mund të jenë edhe të pranueshme.

14.11 – Mëngjesi i ftohtë dhe me mjegull. Ditën kryesisht me diell.

15.11 – Mjegull orëve të mëngjesit.  DItën vransira dhe intervale me diell.  Mundësi për riga shiu përreth viseve malore.

16.11 – Kryesisht me vransira, vonë pasdite dhe mbrëmje mundësi për riga shiu.

17.11 – Kryesisht me vransira dhe reshje të dobëta shiu kohëpaskohe.  Në vise malore borë.

18.11 – Vranët me reshje shiu orëve të pasdites.  Në zona malore borë.

Temperaturat minimale luhaten ndërmjet 3C e 7C, e ato maksimale në fillim të javës luhaten ndërmjet 15C e 17C, më pas zbresin deri në 12C e 13C.

Fillimisht frynë erë e lehtë dhe mesatare nga jugperëndimi 2-8m/s, e nga dita e enjte ndryshon drejtimin në verilindje.

Shtypja atmosferike me një tendencë të rënies edhe thellë nën vlera normale deri në pjesën e dytë të javës.

Subscribe në YouTube: GAZETA INFOKUSI
FREE FRIDAY ME ZBRITJE DERI 70%
-Advertisement-

Të tjera

Fokusi

lajme