Lajme

Moti në Kosovë

Autori: Gazeta inFokus 07:14 | 11 February 2021

Gjatë së enjtes parashihet që vendi të përfshihet nga reshjet e shiut. Sipas Institutit Hidrometeorologjik të Kosovës (IHMK) në viset e larta do të ketë edhe reshje bore të cilat do të përfshijnë të gjithë vendin. Ndërsa në zonat e Dukagjinit parashihen edhe vërshime.

Temperaturat do të shënojnë ulje në të dy vlerat ekstreme. Temperaturat minimale do të lëvizin ndërmjet 1-2 gradë Celsius, ndërsa maksimalet e ditës parashihen të lëvizin ndërmjet 7 deri në 9 gradë Celsius.

“Të mërkurën parashihet të mbajë mot i vranët dhe me intervale me diell. Temperaturat minimale do të lëvizin ndërmjet 3-4 gradë Celsius, ndërsa maksimalet e ditës parashihen të lëvizin ndërmjet 11-13 gradë Celsius. Do të fryjë erë nga drejtimi i verilindjes me shpejtësi deri 12m/s. Të enjten parashihet që vendi ynë të ndikohet nga masat e lagështa të ajrit duke krijuar kushte për vranësira të dendura të cilat do ti takojnë stadit të ulët dhe të mesëm të Troposferës. Kjo situatë e krijuar meteorologjike do të krijoj kushte që të kemi reshje shiu, kurse në viset e larta reshje bore. Reshjet do të përfshijnë gjithë territorin duke rrezikuar disa zona të Dukagjinit nga vërshimet. Temperaturat do të shënojnë ulje në të dy vlerat ekstreme. Minimalet do të lëvizin ndërmjet 1-2 gradë Celsius, ndërsa maksimalet e ditës parashihen të lëvizin ndërmjet 7-9 gradë Celsius. Do të fryjë erë nga drejtimi i verilindjes me shpejtësi 1-10m/”, thuhet në njoftimin e IHMK-së.

-Advertisement-