Lajme

Moti jashtëzakonisht i nxehtë në Spanjë, temperaturat arrijnë në 40 gradë

Autori: Gazeta inFokus 22:40 | 27 April 2023

Spanja është duke u përballur me një mot jashtëzakonisht të nxehtë prillin e këtij viti, ku temperaturat kanë arritur deri në 40 gradë celsius në disa pjesë të vendit.

Viti i kaluar ishte më i nxehti i Spanjës që nga viti 1961, dhe ajri i ngrohtë nga Afrika e Veriut po u jep spanjollëve një shije paraprake të një vere tjetër përvëluese disa muaj më herët, shkruan Euronews, transmeton Klankosova.tv.

Shërbimi kombëtar i motit i Spanjës tha se temperaturat do të “arrijnë vlerat tipike të verës” në pjesën më të madhe të vendit, me një parashikim të lartë prej 38 gradë Celsius të enjten për Luginën jugore të Guadalquivir.

-Advertisement-

Në orën tre të pasdites, në Kordobë ishte 38.7 gradë ndërsa në Sevilje, 37,8 gradë.

Agjencia Shtetërore Meteorologjike, e cila njihet me akronimin spanjoll AEMET, tha se temperaturat ishin “jashtëzakonisht të larta” për muajin prill për shkak të një mase ajri shumë të ngrohtë dhe të thatë që vinte nga Afrika e Veriut.

Qeveria spanjolle ka kërkuar fonde emergjente nga Bashkimi Evropian për të mbështetur fermerët dhe blegtorët në qendrat bujqësore të vendit.

Eksportuesi më i madh në botë i vajit të ullirit, Spanja është gjithashtu një prodhues i rëndësishëm i frutave dhe perimeve për tregun evropian teksa thatësira ka çuar tashmë çmimet e vajit të ullirit spanjoll në nivele rekord.

Aktualisht, 27% e territorit spanjoll është klasifikuar si në një thatësirë “emergjente” ose “alarm”, sipas Ministrisë së Tranzicionit Ekologjik, dhe rezervat ujore janë në 50% të kapacitetit kombëtar.

Subscribe në YouTube: GAZETA INFOKUSI