Lajme

Moti i keq, Policia thirrje vozitësve: Kujdes, ka aksidente nëpër rrugë të vendit dhe autostrada

Autori: Gazeta inFokus 20:47 | 22 November 2024

Orëve të fundit mbi vendin tonë kanë vazhduar të reshura të shiut të shoqëruara me erëra të forta, shkruan Gazeta Infokus.

Kjo ka bërë që në disa lokacione e disa rrugë të jenë të mbuluara nga uji.

Gazeta Infokus pak më parë ju sjelli pamje nga lagjia “Lakrishte”, si dhe nga “Stacioni I Autobusëve”, ku shihet se rrugët janë mbuluar tërësisht nga vërshimet.

-Advertisement-

Ndërkaq, Policia e Kosovës përmes një njoftimi ka bërë të ditur se gjatë kësaj kohe, janë raportuar të kenë ndodhur edhe aksidente në rrugët e vendit, përfshirë aksidente në autostradë.

Policia ka apeluar që të rritet vigjilenca dhe kujdesi i pjesëmarrësve në trafik.

“Njësitet policore janë në teren të mobilizuara për të shtuar sigurinë në trafik dhe po trajtojnë aksidentet që kanë ndodhur. Me qëllim që të rritet vigjilenca dhe kujdesi, apelojmë tek të gjithë pjesëmarrësit në trafik, në veçanti drejtuesit e automjeteve, që të jenë të përqendruar në ngasje dhe t’ia përshtatin shpejtësinë kushteve të rrugëve”, thuhet në njoftimin e PK./Gazeta Infokus/

Më poshtë gjeni postimin e plotë të Policisë së Kosovës:

Subscribe në YouTube: GAZETA INFOKUSI