Lajme

Moskë, bilanci i stuhisë shkon në 14 viktima

Autori: Gazeta inFokus 09:16 | 31 Maj 2017

Plot 14 persona kanë humbur jetën, pasi stuhia më vdekjeprurëse në vite të tëra goditi Moskën dhe zonat përreth saj.

Zyrtarët konfirmuan se 11 vetë kishin humbur jetën në Moskë dhe 3 të tjerë përreth saj. Një nga viktimat, sipas Ministrisë së Shëndetësisë, është minoren.

Agjencia e lajmeve “Tass” raporton se 168 vetë janë trajtuar në spitale, ndërsa 146 të tjerë janë të shtruar me lëndime të ndryshme.

-Advertisement-

Sipas agjencisë, 22 prej atyre që mbetën në spital janë fëmijë, ndërkohë lëndimet variojnë nga djegie e deri te çarjet apo lëndimet në shtyllën kurrizore.

Stuhia ndërkohë ka shkulur nga rrënjët rreth 3.500 pemë. Kryebashkiaku i Moskës tha se, familjet e viktimave do të marrin një milion rubla secila, shumë kjo e barabartë me 17.760 dollarë amerikanë.

Agjencia e lajmeve “Tass” tha se stuhia kishte prekur transportin në 20 rrugë në kryeqytetin rus dhe bëri që më shumë se 50 fluturime të vonoheshin në aeroportet lokale. Përveç pemëve të shkulura nga rrënjët, era e fortë ka dëmtuar edhe disa banesa.

Edhe në rajonin përreth Moskës ka pasur dëme të ngjashme, me mijëra pemë të shkulura, qindra makina të dëmtuara dhe dhjetëra shtëpi e ndërtesa të tjera të dëmtuara. Hera e fundit që Moska ka parë një uragan fatal ka qenë viti 1998, kur rreth 11 persona humbën jetën.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy