Moska kërcënon me ạrmë bërthạmore nëse Ukrainës i lejohen sụlmet thellë brenda Rusisë
Autori: Gazeta inFokus 18:54 | 14 September 2024
Zyrtarët rusë kanë thënë se nëse Perëndimi i lejon Kievit të përdorë armët perëndimore për të sulmuar thellë në territorin rus, kjo do të rezultonte me përshkallëzim të madh të luftës në Ukrainë, që mund të përfshijë edhe përdorimin e armëve bërthamore.
Ish-presidenti, Dmitry Medvedev, që tani është kryetar i Këshillit të Sigurisë së Rusisë, ka paralajmëruar më 14 shtator se Kievi do të kthehet “në një pikë të shkrirë gri ” nëse zbuten kufizimet kundër përdorimit të armëve perëndimore nga Ukraina.
Kievi vazhdimisht ka thënë se i duhet të kryejë sulme me rreze të gjatë veprimi brenda territorit rus në mënyrë që të mbrojë veten kundër forcave pushtuese ruse.
Ideja së fundi ka marr vrull, teksa presidenti ukrainas Volodymyr Zelensky, e ka shtyrë përpara atë. Disa udhëheqës evropianë po e shqyrtojnë mundësinë që t’i japin Ukrainës aftësi për të sulmuar nga larg, ndërkaq Britania raportohet se është afër të marrë vendimin që t’i lejojë Ukrainës të përdorë raketat e saj, Storm Shadow, për të kryer sulme në territorin rus.
Më 13 shtator, presidenti amerikan, Joe Biden, dhe kryeministri britanik, Keir Starmer, pritej që të diskutonin për këtë çështje gjatë takimit të tyre në Uashington.
Megjithatë, Shtëpia e Bardhë nuk e përmendi këtë çështje pas përfundimit të takimit.
Duke iu referuar këtij takimi, Medvedev shkroi më 14 shtator se “imbecilët anglosaksonë nuk duan ta pranojnë se “durimi” i Rusisë ka fund, teksa ekspertët kanë sugjeruar se Rusia mund të përdorë armë bërthamore kundër Ukrainës, nëse Moskës i humbet durimi.
“Çfarë mendojnë udhëheqësit perëndimorë dhe institucionet e tyre, duke luajtur në luftë, se cili do të jetë reagimi i shtetit tonë ndaj sulmeve të mundshme raketore ‘thellë brenda territorit të Rusisë?’”, shkroi Medevedev, i cili shpesh ka kërcënuar Kievin dhe Perëndimin, që kur Rusia nisi pushtimin e Ukrainës më 2022.
Medvedev tha se një konflikt bërthamor “është një gjë shumë e keqe me një rezultat shumë të vështirë”, duke pretenduar se kjo është arsyeja pse Rusia nuk ka vendosur të përdorë deri në këtë pikë armë bërthamore “jostrategjike apo strategjike”. Megjithatë, ai tha se nëse do të vijë deri te përdorimi i armëve bërthamore, në vendin ku ndodhet Kievi do të krijohej “një pikë gjigante gri”.
Retorikë e tillë nga Moska është intensifikuar teksa Zelensky po vazhdon lobimin që shteti i tij të mund të përdorë armët që i ka marrë nga Perëndimi për të sulmuar thellë brenda territorit të Rusisë.
Më 12 shtator, presidenti rus, Vladimir Putin, tha se çdo ndryshim në politikë që do të lejonte që armët perëndimore të përdoren ndaj territorit rus do të nënkuptonte se aleanca e NATO-s është “në luftë” me Rusinë.
Në qershor, Putini po ashtu kishte kërcënuar se do të dërgonte armë me rreze të gjatë veprimi – siç tha ai për një përgjigje “asimetrike” – në zona të ndryshme të botës, në mënyrë që të mund të sulmoheshin shtetet që e furnizojnë me armë Ukrainën.
Rusia po ashtu ka thënë se po ndryshon doktrinën e saj sa i përket përdorimit të armëve bërthamore. Zëvendësministri i Jashtëm rus, Sergei Ryabkov, tha më 1 shtator se kjo lëvizje “lidhet me kursin e përshkallëzuar të armiqve tanë perëndimorë”.
Më 14 shtator, Ryabkov pretendoi se vendimi për t’i lejuar Ukrainës të kryejë sulme me rreze të gjatë ndaj Rusisë veçse është marrë nga Perëndimi dhe se Moska “është gati për gjithçka” dhe se “do të përgjigjet me gjithë forcën”.
Po të shtunën, zëvendëskryetari i Dumës shtetërore, Andrei Kolesnik, sugjeroi se Rusia duhet të shpërthejë armë bërthamore në territorin e saj, sa për t’ia kujtuar Perëndimin se çfarë kërcënimi paraqet arsenali bërthamor i Rusisë.
Shefi i stafit të Zelenskyt, Andriy Yermak, u është kundërpërgjigjur deklaratave nga zyrtarët në Moskë. Ai tha se këto reagime “janë dëshmi se regjimi i Putinit ka frikë se terrori i tij është drejt fundit”.
“Duhen vendime të forta. Terrori mund të ndalet duke shkatërruar ndërtesat ushtarake nga kryhen sulmet”, shkroi ai në Telegram.
Ai tha se dhënia e lejes për armët me rreze të gjatë veprimi “vetëm do ta përshpejtonte zgjidhjen” dhe nuk do të lejonte që “terrori rus të përhapet në shtete të tjera të botës”. /REL
Të tjera
-
Shkolla “Elena Gjika” del me një sqarim rreth termeve “prindi 1 dhe prindi 2”
Dje u publikua një dokument i shkollës “Elena Gjika”, ku shkruhej një m...
-
Gjermania dëbon dhjetëra vetë nga Kosova e Serbia: Iu mohua e drejta për azil!
Gjermania ka nisur një ofensivë për dëbimin e personave të cilëve u mohohet e...
-
Princesha e Uellsit rikthehet në detyra publike pas kimioterapisë
Princesha e Uellsit, Kate Middleton, ka organizuar takimin e saj të parë zyrt...
-
“Jep dorëheqje si protestë që të kanë manipuluar” Ramadani thotë se ministri Sveçla u mashtrua për Urën e Ibrit, e këshillon të dorëheqet
Ish kryeinspektori i AKI-së, Burim Ramadani i ka rekomanduar ministrit të Bre...
-
Vdes shoferi i veturës, policia jep detaje për aksidentin e rëndë në Deberllukë të Mitrovicës
Një aksident i rëndë trafiku ka ndodhur sot në fshatin Deberllukë në Mitrovic...
-
Punëtorët teknike të Kuvendit hynë në grevë, Zemaj: Trajtimi i tyre është jashtë njerëzores, grevë për dinjitet
Deputeti i Lidhjes Demokratike të Kosovës, Armend Zemaj ka vizituar punëtorët...
-
Behgjet Pacolli nuk ua jep rrogat, punëtorët ndalojnë punimet në aeroportin e Vlorës
Punimet për ndërtimin e Aeroportit të Vlorës, të cilat po kryhen nga kompania...
-
Dështon mbledhja e Komisionit për Buxhet, në rend dite ishin raportet vjetore të Trustit e BQK-së
Ka dështuar mbledhja e Komisionit për Buxhet, Punë dhe Transfere dhe e njëjta...
-
Musliu-Shoshi: Informojeni Glaukun se dialogu nuk është në ạrkivol, por më i fortë së kurrë
Deputetja e PDK-së, Ariana Musliu-Shoshi, i është kundërpërgjigjur kryetarit ...
-
Vishaj: Situatë e qetë epidemiologjike me Covid-19 dhe me virusin e Nilit
Aktualisht, në vendin tonë, situata epidemiologjike me koronavirus dhe situat...
-
Richard Grenell: Do ta nxjerrim nga burgu Hashim Thaçin nëse fiton Donald Trump
Ish-emisari special presidencial për dialogun Kosovë-Serbi, Richard Grenell, ...
-
Deliu-Kodra i kërkon Bislimit të tregojë se çka ka folur me Lajçakun
Deputetja e Partisë Demokratike të Kosovës, Blerta Deliu-Kodra, i ka kërkuar ...