Sot gjatë ditës Ministria e Financave, Punëve dhe Transfereve në krye me Hekuran Muratin kanë emëruar Xhevat Zejnullahun në pozitën e ushtrues detyre si drejtor të përgjithshëm të Thesarit, shkruan Gazeta Infokus.

Ky emërim erdhi pasi pagat e sektorit publik nuk u ekzekutuan me kohë, përkundër se afati ligjor kishte kaluar dje duke qenë se ushtruesit të detyrës, të mëhershëm Nysret Koca, i kishte kaluar mandati.

Këto paga nuk u ekzekutuan si shkak të skadimit të mandatit të ushtruesit të detyrës së Drejtorit të Përgjithshëm të Thesarit.

Kjo ngutje për emërim si duket erdhi në mënyrë që pagat të mund te ekzekutohen brenda ditës së sotme.

Mirëpo siç duket ky emërim i ri i Zejnullahut në pozitën e ushtruesit të detyrës si drejtor të Thesarit është i jashtëligjshëm.

Kjo duke u bazuar në Ligjin për Zyrtarët Publik, neni 35 ku thuhet se Ushtrues Detyre s’mund të ketë më shumë se një vit dhe në rast të kalimit të mandatit, nuk mund të ricaktoet përsëri një ushtues detyre mirëpo pozita e drejtorit duhet të mbulohet përmes konkursit publik.

“Në pajtim me paragrafin 1. Të këtij neni, ushtruesja/i i detyrës mund të caktohet zyrtarja/i më i lartë i kategorisë pasuese, në vartësi të pozitës që caktohet, nga cilado njësi organizative brenda institucionit”

“Zyrtarja/i publik nuk mund të caktohet ushtruese/i i detyrës më gjatë se gjashtë muaj. Kur pozita nuk mund të plotësohet brenda afatit gjashtë mujor, ky afat mund të zgjas më së dhumti edhe për gjashtë muaj të tjerë”

“Pozita e lirë nuk mund të zëvendësohet me ushtrues detyre për më gjatë se afati i përcaktuar në paragrafin 3 të këtij neni”

“Çdo veprim i marrë nga ushtruesja/i i detyrës, pas kalimit të afatit të përcaktuar në paragrafin 3. Të këtij neni, është i paligjshëm”.

Ndërkaq mosekzekutimi i pagave shkaktoi reagime të shumta nga opozita, të cilët e cilësuan qeverinë si të papërgjegjshme dhe shpërfillëse ndaj mijëra punëtorëve të këtij sektori.

Për PDK-në, LDK-në dhe AAK-në mosekzekutimi në kohë i pagave ka shkelur dinjitetin e shumë familjeve që mezi ia dalin muajit.

Vlen të theksohet se, Qeveria tash e një kohë të gjatë është duke ndjekur një praktikë e cila po vlerësohet jo e mirë.

Nga 16 ministri të Qeverisë (perfshirë këtu Zyrën e Kryeministrit), 8 prej tyre janë duke funksionuar me ushtrues detyre/zëvendës.

Ndërsa sa i përket agjencive ekzekutive, 29 prej tyre janë me ushtrues detyre/zëvendësues/Gazeta Infokus/

Gjatë ditës pritet të ekzekutohen pagat në sektorin publik, emërohet u.d. i drejtorit të Thesarit

Marsi sjell Magji në ETC

Sponsoruar