Lajme

Momenti dramatik, uji rrëmben shtëpinë dhe e përplas me urën në Norvegji

Autori: Gazeta inFokus 14:12 | 10 Gusht 2023

Pjesë të Norvegjisë po përballen me përmbytje të përshkruara si apokaliptike në mediat e huaja.

Një video që qarkullon në rrjetet sociale tregon momentin kur uji rrëmben një shtëpi dhe e përplas me një urë në lumin Hemsilar. Njerëzit nuk kanë mundur të bëjnë gjë tjetër veçse të shohin të pafuqishëm sesi ujërat e pandalshëm merrnin me vete edhe makina në qytetin e Hemsedalin, duke gllabëruar çdo gjë në rrugën e tyre.

Stuhia Hans solli reshje të rrëmbyera në vendin nordik, si dhe përmbytje masive që paralizuan trafikun e detyruan me mijëra vetë të shpërngulen nga shtëpitë e tyre. Në lindje të Norvegjisë, nga shirat e dendur u shemb pjesërisht diga mbi lumin Glomma.

-Advertisement-

Kryeministri Jonas Gahr Støre pohoi se situate është larg qetësimit, dhe se vendi duhet të përgatitet për të tjerë përmbytje në ditët në vijim, veçanërisht në zonat e ulëta pranë bregdetit. Sipas tij, “2-3 ditët e ardhshme do të jenë kritike dhe autoritetet do të angazhohen të monitorojnë situatën 24 orë në ditë”.

Një numër i madh njerëzish ndërkohë vazhdojnë të mbeten pa energji elektrike në rajonet jugore pasi stuhia Hans, goditi pjesë të Skandinavisë dhe Baltikut për disa ditë me radhë, duke bërë që lumenjtë të dilnin nga shtrati e duke mbjellë kaos e shkatërrim.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy