Lajme

Momenti i arrestimit të dyshuarve për plagosjen në Pejë (Foto/Video)

Autori: Gazeta inFokus 17:35 | 07 June 2017

Policia e Rajonit të Pejës ka dhënë detaje lidhur me të shtënat me armë gjatë pasdites së sotme në qendër të Pejës.

Nga të shtënat me armë të plagosur kanë mbetur katër persona, dy nga ta ishin të involvuar në rast kurse dy të mitur të tjerë ishin kalimtar rasti.

Ndër të tjerash është bërë e ditur se janë arrestuar katër persona të dyshuar dhe janë konfiskuar tri armë të kalibrave dhe llojeve të ndryshme.

-Advertisement-

Ky është njoftimi i plotë:

Njësitet relevante të policisë së Kosovës menjëherë iu kanë përgjigjur vendit të ngjarjes, dhe sipas të dhënave të para është mësuar se nga të shtëna me armë zjarri janë të plagosur katër (4) persona, dy (2) nga të plagosurit ishin të involvuar në rast, ndërsa dy (2) personat e mitur ishin kalimtar rasti. Të plagosurit me urgjencë janë dërguar në Spitalin Rajonal në Pejë për t’ju ofruar ndihma adekuate mjekësore me ç ‘rast dy (2) nga të plagosurit (të involvuarit) në këtë rast nën përcjelljen e Policisë së Kosovës janë dërguar në QKUK Prishtinë për trajtim të mëtutjeshëm, sipas vlerësimit të ekipit mjekësor të Spitalit Rajonal Pejë.

Personat e plagosur në këtë rast janë:

B.K. m/k/sh (1983)

N.K. m/k/sh (1976)

B.R. f/k/sh (e mitur)

G.L. m/k/sh (i mitur)

Policia e Kosovës ka ndërmarrë një operacion të gjerë kërkimi për kapjen e personave të dyshuar të këtij rasti. Rreth orës 16:05 njësitet policore të DRP Pejë kanë arritur të arrestojnë katër (4) persona të dyshuar dhe janë konfiskuar tri (3) armë të kalibrave dhe llojeve të ndryshme.

Hetuesit Rajonal në bashkëpunim të plotë me Prokurorin e Shtetit janë duke ndërmarrë veprime hetimore për të mësuar motivin e kësaj ngjarje dhe për të sqaruar të gjitha rrethanat lidhur me këtë rast.