Lajme

Molliqaj: Veprimin e njëjt të Kurtit e patën bërë edhe Erdogani, Putini e Orbani

Autori: Gazeta inFokus 18:36 | 02 April 2021

Dardan Molliqaj ka thënë se veprimin e sotëm të Kurtit në të kaluarën e kishin bërë në shtetet e tyre edhe Erdogan, Putin e Orban.

Kryetari i PSD-së e ka quajtur Kurtin si të rrezikshëm dhe autoritar.

“Rreziku Kurti

-Advertisement-

Shantazhi i sotshëm i Kurtit ndaj opozitës është shpërfaqje e kulluar e autoritarizmit që ka pushtuar politikën në vende të tjera.

Viti 2003. Erdogan fiton zgjedhjet. Një vit më vonë ndryshon sistemin zgjedhor në Turqi.

Viti 2010. Òrban fiton. Një vit më vonë e gjithë Kushtetuta e Hungarisë ndryshon, me theks të veçantë në sistemin zgjedhor që i konvenonte atij.

Viti 2000. Putini zgjidhet president. Pas shuarjes së skandalit të paraardhësit të tij ai vendos ta ndërroj sistemin zgjedhor në Rusi brenda pak ditësh.

Viti 2021. Për dy javë qeverisje të Kurtit ai po shatanzhon opozitën duke ndryshuar ligjin për zgjedhje e duke blerë vota nga përfaqësuesit e pakicave, siç është rasti me Qazim Rrahmanit, i cili mbi të gjitha është i dënuar për korrupsion. Edhe anti-korrupsionin e ka veç si farsë.

Si autoritarët e tjerë, Kurti është rrezik i madh dhe i menjëhershëm për shoqërinë. Në këtë rrafsh, kushdo që i nënshtrohet shantazhit të tij po kontribuon drejtpërdrejt në dëmtimin e Kosovës” shkruan Molliqaj në reagim.

Subscribe në YouTube: GAZETA INFOKUSI

Të tjera

Fokusi

lajme