Lajme

Molliqaj: Pushteti i Kurtit po zhveshët çdo ditë e më shumë nga petku moralist

Autori: Gazeta inFokus 15:18 | 18 August 2023

Kryetari i Partisë Socialdemokrate, Dardan Molliqaj, ka reaguar pas arrestimeve të dy zyrtarëve të Ministrisë së Industrisë dhe Tregtisë.

Sipas Molliqajt, aferat korruptive në Qeverinë Kurti tashmë janë bërë të përditshme. Ai ka kërkuar nga prokuroria hetime për të gjitha aferat e skandalet që kanë përfshirë qeverinë e udhëhequr nga Albin Kurti.

“Pushteti i Kurtit po zhveshët çdo ditë e më shumë nga petku moralist. Aferat korruptive janë bërë përditshmëria e kësaj qeverie. Skandali nuk po e pret skandalin. E përgjigja e Kurtit ndaj këtij fenomeni është problem më i madh se krimi e korrupsioni ne vetvete.
Qasja selektive e kryeministrit, ku korrupsioni i kryer në baza private dënohet – rasti i Besnik Mujecit, ndërsa korrupsioni prezent në instanca të larta shtetërore justifikohet dhe mbrohet – Martin Berishaj, Nagip Krasniqi, Berat Lahu e Rozeta Hjdari, është qasje edhe problematike dhe ideologjikisht e gabuar. E ftoj prokurorinë që të gjitha aferat korruptive t’i hetojë deri në fund”, thuhet në postimin e Molliqajt.

-Advertisement-

Arrestimi i dy zyrtarëve të MINT-it dhe afaristit Ridvan Muharremit ka ndodhur pas dyshimeve për keqpërdorim të rezervave shtetërore.

Subscribe në YouTube: GAZETA INFOKUSI
Etiketa:
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme