Molliqaj nuk ishte i pranishëm sot në homazhe, por zgjedh këtë mënyrë për t’i përkujtuar aktivistët Balaj e Xheladini!
Autori: Gazeta inFokus 17:46 | 10 February 2018
Dardan Molliqaj i Vetëvendosjes përmes rrjetit të tij social Facebook, ka shkruar se sot i përkujtojmë Mon Balajn dhe Arben Xheladinin të cilët u vranë nga policia e UNMIK-ut më 10 shkurt 2007, raporton Gazeta Blic.
Ai ka treguar ngjarjen se si ka ndodhur vrasja e aktivistëve, kërkesat e familjarëve etj.
Molliqaj përmes këtij postimi ka treguar se nuk do të ndalen së kërkuari drejtësi për Mon Balajn, Arben Xheladinin dhe për Astrit Deharin.
“Moni e Arbeni e dhanë jetën për vendin tonë, e neve na mbetet që ta vazhdojmë rrugën e tyre dhe të mos ndalemi së kërkuari drejtësi për ta. Ashtu sikurse nuk do të ndalemi së kërkuari drejtësi edhe për Astrit Deharin”, ka shkruar ai.
Theksojmë se sot LVV ka mbajtur homazhe në sheshin “Nëna Terezë” ku u zhvillua ajo demonstratë duke lënë vdekur dy aktivistët, Balaj e Xheladinin. Ajo çka ra në sy gjatë këtyre homazheve ishte se Dardan Molliqaj nuk ishte i pranishëm as në këto homazhe, siç duket çarja në VV është aq e thellë saqë asnjë ngjarje e tillë nuk arriti ta bashkojë VV të plotë, ndryshe i pranishëm nga ‘grupi Molliqaj’, ishte vetëm Visar Ymeri.
Postimi i plotë i Molliqajt:
Sot përkujtojmë Mon Balajn dhe Arben Xheladinin të cilët u vranë nga policia e UNMIK-ut më 10 shkurt 2007.
Moni dhe Arbeni u qëlluan me plumba gome që kishin afat të skaduar.
UNMIK-u nuk mori përgjegjësi, përkundrazi deklaroi që forca e tyre ishte proporcionale.
Atëbotë, Qeveria e Kosovës dhe Grupi i Unitetit i përkrahën vrasjet e UNMIK-ut dhe i dënuan demonstruesit.
Policët vrastarë të UNMIK-ut u kthyen në vendin e tyre dhe u dekoruan për punën e tyre ”të mirë” në Kosovë. Aktivistët e Lëvizjes përsekutoheshin nga pushteti.
Në vitin 2009, familjes Balaj dhe Xheladini iu ofrua dëmshpërblim në vlerë prej 200 mijë eurosh, me kusht që ata t’i tërheqin kërkesat e tyre për drejtësi. Natyrisht, familjarët i refuzuan, sepse ata duan drejtësi e jo dëmshpërblime.
Pas 8 vitesh, Paneli për të Drejtat e Njeriut pranë OKB-së deklaroi se demonstrata e 10 shkurtit ishte paqësore dhe se përgjegjësia për dhunën bie mbi policët UNMIK-ut.
11 vite pas kësaj demonstrate, asnjë qeveri e jona nuk ka kërkuar hetime të pavarura për rastin.
Poashtu, institucionet përkatëse kanë pranuar një kërkesë para disa vitesh për shpalljen e Arbenit dhe Monit si dëshmorë të kombit, por ende nuk e kanë bërë një gjë të tillë.
Sot, më shumë se kurrë, dëmet e Pakos së Ahtisaarit janë të prekshme dhe pengesë për Republikën e Kosovës. Situata e sotme është treguesi më i mirë për të gjithë se demonstrata e 10 shkurtit ishte e drejtë.
Moni e Arbeni e dhanë jetën për vendin tonë, e neve na mbetet që ta vazhdojmë rrugën e tyre dhe të mos ndalemi së kërkuari drejtësi për ta. Ashtu sikurse nuk do të ndalemi së kërkuari drejtësi edhe për Astrit Deharin.
Lavdi!
Të tjera
-
Dugolli: Në Bruksel nuk po diskutohet për dinarin
Deputeti i partisë në pushtet Vetëvendosje, Enver Dugolli, duke komentuar sje...
-
11 vjet nga marrëveshja e parë Kosovë-Serbi në Bruksel
Sot bëhen 11 vjet nga nënshkrimi i marrëveshjes së parë mes Kosovës dhe Serbi...
-
G7 rikonfirmon mbështetjen financiare dhe ushtarake për Ukrainën
Grupi i shtatë vendeve më të zhvilluara të botës ripohoi mbështetjen e tij pë...
-
Ulutash i pranishëm në stërvitjen e Ushtrisë serbe “Whirlwind 2024”
Me ftesë të shefit të Shtabit të Përgjithshëm të Forcave të Armatosura të Ser...
-
Nënkryetarja e kryeqytetit do të ligjërojë kundër dhunës me bazë gjinore
Nënkryetarja e Kryeqytetit, Jehona Lushaku Sadriu do të ligjërojë kundër dhun...
-
Hajdari raporton sot në Komisionin për Integrime Evropiane
Ministrja e Industrisë, Ndërmarrësisë dhe Tregtisë, Rozeta Hajdari, do të rap...
-
Kurti viziton nga afër fillimin e punimeve në rrugën Kijevë-Dollc
Kryeministri i Kosovës, Albin Kurti, do të vizitojë fillimin e punimeve të pr...
-
Maqedonci: Kemi informacione se Serbia sot do të testojë dronë kamikazë në kufi me Kosovën
Ministri i Mbrojtjes së Kosovës, Ejup Maqedonci 24 orë pas bllokimit në kufi ...
-
SHBA bllokon nismën për anëtarësimin e territoreve palestineze në OKB
Shtetet e Bashkuara të enjten bllokuan OKB-në nga njohja e një shteti palesti...
-
Qalaj: Jankoviq duhet të intervistohet nga AKI-ja dhe PK-ja se çfarë informacionesh dha në Serbi
Deputeti i Partisë Demokratike të Kosovës, Rashit Qalaj, ka thënë se zëvendës...
-
Ngjarjet e parapara për sot
Këto janë disa nga ngjarjet që janë paraparë për tu zhvilluar sot. Nënkrye...
-
Moti në Kosovë me vranësira
Për sot në Kosovë parashikohet të mbajë mot me vranësira të shpeshta dhe inte...