Lajme

Molliqaj kritikon Krasniqin, Abdixhikun e Haradinajn: Janë opozitë, opozitë fare nuk bëjnë

Autori: Gazeta inFokus 22:35 | 27 June 2023

Kryetari i PSD-së, Dardan Molliqaj ka thënë se subjektet politike opozitare gjenden aty si shkak i numrave dhe jo nga roli i tyre si opozitë.

Fjalën e tij në “Debat Plus” e nisi me kritika për kreun e ekzekutivit, por kryetari i PSD-së, Dardan Molliqaj, kritikat nuk i kurseu as për partitë opozitare në vend.

Në “Debat Plus” të RTV Dukagjini, Molliqaj ka thënë se subjektet politike opozitare gjenden aty si shkak i numrave dhe jo nga roli i tyre si opozitë.

-Advertisement-

Me kritika të veçanta, Molliqaj kritikoi edhe Haradinajn, liderin e AAK-së.

“Ne kemi një parti parlamentare që një ditë kërkon dorëheqje që është AAK që në rregull që po kërkon dorëheqje e shkarkim. Sot e pashë i thotë të kthehet në dialog e të zbatojë marrëveshjen. S’mundesh të kesh pozicion edhe me i thënë ‘duhet të kthehesh të zbatosh dialogun’”, ka deklaruar ai, gjersa ka theksuar se “Është pozicion i gabuar opozitar. Partitë e tjera opozitare janë në opozitë për shkak se i kanë numra, por opozitë fare nuk janë duke bërë”.

Haradinaj kishte deklaruar para një seance plenare të Kuvendit të Kosovës se Kosova po i vuan gabimet e bëra nga Kurti dhe se zgjidhja e vetme është rrëzimi i qeverisë.

Lidhur me mocionin e mosbesimit, Haradinaj deklaroi se partitë opozitare duhet të jenë të qarta në qëndrimin e tyre.

“Së paku çka mund të bëjnë partitë opozitare në një situatë çfarë jemi, është të deklarohen qartë se jemi për mocion. Pra, i kemi 40 nënshkrime, e iniciojmë mocionin, e kërkojmë mirëkuptimin dhe ndihmën e deputetëve që kanë shqetësim për situatën dhe ta ndajmë pra Kosovën në dy pjesë, Kosova e Kurtit, po edhe një tjetër që janë të shqetësuar dhe kërkojnë shkarkimin e tyre”, ka deklaruar ai.

Subscribe në YouTube: GAZETA INFOKUSI
-Advertisement-

Të tjera

Fokusi

lajme