Sport

Modriç “thyen” zemrat zikaltër, Perez gati denoncimin për Interin

Autori: Gazeta inFokus 10:25 | 17 August 2018

Interi jo vetëm që nuk do të arrijë ta ketë pjesë të organikës mesfushorin kroat, Luka Modric, por duhet të përballet edhe me pasojat e kontakteve të me lojtarin pa lajmëruar Realin e Madridit.

Presidenti Florentino Perez, përtej marrëdhënieve të mira mes dy klubeve, nuk e ka kapërdirë faktin që lajmet e fundit rreth të ardhmes së 32-vjeçarit e kanë trazuar ambientin “merengues” .

Për këtë arsye, “Cadena Ser” në Spanjë njofton se numri një i klubit mbretëror do ta padisë Interin për thyerje të rregullave, sepse ka nisur bisedime me një futbollist që ka kontratë edhe për disa vite, pa lajmëruar drejtuesit e Realit.

-Advertisement-

Për t’ua vënë vulën një herë e mirë zërave të merkatos, vetëm pak orë para se të skadojë afati i blerjes së futbollistëve në Serinë A ka menduar vetë Modriç me një postim në Instagram pas humbjes në Superkupën e Europës me Atleticon: “Një humbje e rëndë, por nuk është një humbje që përcakton skuadrën tonë. Është momenti për t’u ringritur dhe për të vazhduar punën sikurse kemi bërë gjithmonë. Hala Madrid!”

Subscribe në YouTube: GAZETA INFOKUSI