Rozë

Modelja e famshme rrëfen luftën me vesin e saj: 365 ditë pa asnjë pikë alkool (VIDEO)

Autori: Gazeta inFokus 13:59 | 20 July 2022

Lufta kundër alkoolit padyshim është e vështirë dhe kërkon një vullnet të madh. Mirëpo ka shumë njerëz që kanë triumfuar. Një ndër to është edhe Chrissy Teigen e cila ka “festuar” një vit pa pirë asnjë pikë alkool.

Lajmin e bëri me dije vetë modelja e cila postoi në “Instagram”-in e saj një video me familjen. Krahas videos Teigen shprehej shumë e lumtur që kishte kaluar 365 ditë pa asnjë gëllënjkë alkool.


“Asnjë pikë alkool për 365 ditë. Ndonjëherë më mungon të jem e shkujdesur. Piva që të mos ndjeja ankthin e çmendur që kisha atëherë. Më në fund u largua menjëherë sapo pushova së piri. Tani, ndihem shumë mirë. Të them të drejtën deri në fund, pija nuk më dha më atë ndjenjën argëtuese. Ndonjëherë ndihem shumë e frustruar duke parë ditët që duhet t’i kujtoj shumë më mirë se tani për shkak të alkoolit.

Do të doja të kujtoja disa gjëra. Ka imazhe të momenteve të mëdha në jetën time ku sytë e mi duken… të humbur. Disa janë nga xhirimet e punës, disa nga ditët tona në plazh me familjen time. Ndonëse ende sinqerisht nuk e di nëse do të pi përsëri një pije, e di që nuk dua të jem përsëri e tillë. Unë do t’i lë ëndrrat e këqija të dalin në sipërfaqe dhe do të përpiqem t’i zgjidh ato me terapi, pa pije alkoolike,”-shkruan modelja.

Kujtojmë që Chrissy Teigen është bashkëshortja e legjendës së muzikës botërore, John Legend. Dyshja u bënë prindër për herë të parë në 2016. Këngëtari dhe modelja kanë një vajzë të quajtur Luna dhe një djalin, Miles.

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan

Të tjera