Shtetet e Bashkuara të Amerikës kanë shprehur shqetësimin për prezencën e shtuar të forcave serbe përgjatë kufirit me Kosovën.

Koordinatori për komunikime strategjike në Këshillin e Sigurisë Kombëtare të SHBA-së, John Kirby, i ka bërë thirrje Serbisë të ulë tensionet dhe të tërheqë forcat nga kufiri.

“Ne do të monitorojmë dislokimin e madh serb përgjatë kufirit me Kosovën. Ne i bëjmë thirrje Serbisë të tërheqë forcat nga kufiri dhe të vazhdojë të ulë tensionet”, tha Kirby gjatë një bisede me gazetarë më 29 shtator” deklaroi Kirby.

-Advertisement-

Në lidhje me këtë situatë të krijuar ka folur për “Gazeta Blic” deputeti i PDK-së njëherësh anëtar i Komisionit për Siguri, Rashit Qalaj.

Qalaj tha se nuk është befasuese për të kjo që po ndodh pasi u paralajmërua nga Vuçiq në konferencën e datës 24 shtator.

Ai tha se një vendim i tillë është marrë që të bëhet presion tek Kosova që mos të vazhdojë me operacione hetimore-policore për rastin terrorist

“Për mua nuk është befasuese kjo që po ndodh meqënëse me datën 24 shtator kur presidenti i Serbisë mbajti konferencën për shtyp, nga fundi i konferencës ai tha që ata do të marrin një vendim shumë shpejt dhe do t’ia bëjnë të ditur publikut. Vendimi mendoj që është ky që të dislokojnë trupat ushtarake përgjatë kufirit me Kosovën në mënyrë që të bëjnë njëfarë presioni tek shteti i Kosovës që mos të vazhdojë me operacione hetimore-policore për rastin terrorist” deklaroi Qalaj.

Deputeti Qalaj tha se SHBA-të tashmë janë kanë bërë të qartë Vuçiqit për pasojat e mundshme nëse provon ndonjë aventurë në Kosovë.

“Ky reagim i SHBA-ve është i mirpritur dhe unë besoj se në kanale zyrtare dhe jozyrtare ata i kanë bërë me dije Vuçiqit për pasojat e mundshme nëse provon ndonjë aventurë në raport me Kosovën” tha Qalaj.

Kryeministri Kurti ka zhvilluar gjatë ditës së djeshme edhe një bisedë me me Këshilltarin për Siguri Kombëtare të presidentit të SHBA-ve, Jake Sullivan.

Kurti e ka falenderuar për mbështetjen dhe ka kërkuar ndihmë kundër planeve luftarake të Serbisë.

“E sigurova atë për bashkëpunimin e vazhdueshëm të Policisë së Kosovës me KFOR-in dhe se përkushtimi ynë për të mbrojtur të gjithë qytetarët është i palëkundur”, tha Kurti.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-