Sport

MKRS-ja shpërblen xhudistët e karateistët

Autori: Gazeta inFokus 16:40 | 23 May 2019

Ministria e Kulturës, Rinisë dhe Sportit ka ndarë sot çmime për pesë sportistë dhe tre trajnerë.

Ministri Kujtim Gashi, tha se është fat i mirë që si Ministri kanë arritur të rrisin buxhetin për sportistët për 120 për qind.

Sipas tij, janë pikërisht karateistët e xhudistët që i kanë sjellë Kosovës suksese.

-Advertisement-

Ai i inkurajoi sportistët që të vazhdojnë punën e tyre dhe të korrin suksese të mëtutjeshme, teksa shtoi se gjatë kësaj kohe ka pasur vetëm një ngecje, me Qendrën Nacionale të Xhudos në Pejë, si neglizhencë e Komunës së Pejës që nuk ka ndarë hapësirën për ndërtimin e objektit.

“Këtë vit ndajmë çmimet dhe ne jemi shumë të vetëdijshëm se puna dhe mundi juaj nuk shpaguhet me mjete financiare, megjithatë, është një motiv shtesë. Sportistët janë ambasadorët e vërtetë të Republikës të Kosovës”, tha ai.

Ndërsa trajneri i xhudos, Driton Kuka, falënderoi ministrin Gashi për mbështetjen që po u jep sportistëve të vendit.

“Kam qenë protagonist i përmirësimit të kushteve për sportistët. Komunat nuk përkrahin as 5 për qind të sportistëve, krahasuar me mbështetjen që marrim nga niveli qendror. Komuna e Pejës, prej nga vjen një kampione e madhe, nuk ka bërë asgjë për Qendrën Nacionale të Xhudos”, u shpreh ai.

Emrat e të shpërblyerve:

Driton Kuka – trajner i xhudos

Akil Gjakova – xhudist

Loriana Kuka – xhudiste

Erza Muminoviq – xhudiste

Isak Curri- trajner i karateistes Albulena Gërvalla

Muhamet Rexhepi – trajner i sportistit Molos Gashi

Subscribe në YouTube: GAZETA INFOKUSI

Të tjera

Fokusi

sport