Lajme

Mjeku i infektuar me COVID rrëfen ditët në spital: Jeta dhe vdekja e kishin kufirin më të hollë se fija e perit

Autori: Gazeta inFokus 16:54 | 07 July 2020

Mjeku Shefki Meta është një ndër mjekët e prekur nga koronavirusi. Nëpërmjet një postimi në Facebook, mjeku ka përshkruar me detaje ditët që kaloi në spitalin Infektiv. Ai thotë se gjendja e tij u përkeqësua dhe kërkoi që të shtrohej në spital për të marrë trajtim. Ditët në Spitalin Infektiv mjeku i cilëson si “ferr”, ku thotë se jeta dhe vdekja e kishin kufirin më të hollë se fija e perit.

“Unë isha mjeku që kërkoja ndihmë dhe jetë, ndërsa rreth e rrotull shumë të tjerë lëngonin dhe luftonin me jetën. Isha futur në “ferrin” ku jeta dhe vdekja e kishin kufirin më të hollë se fija e perit. Në ato çaste në kokë mu rrotullua jeta ime që herë më vinte si mirazh dhe herë si keqardhje që mund të largohesha nga kjo botë, pa pritur e pa kujtuar”, shkruan mjeku mes të tjerash.

Ai thotë se qëndroi disa ditë në spital teksa mjekimet tashmë po i merr në shtëpi dhe po lufton ende me COVID-19. Ndërsa apelon të gjithë qytetarët se e vetmja armë është vetmbrojtja.

-Advertisement-

Mesazhi i mjekut në Facebook

Subscribe në YouTube: GAZETA INFOKUSI