Lajme

Mitrovica niset për Prishtinë (Foto)

Autori: Gazeta inFokus 12:31 | 29 September 2018

Qindra qytetarë të Mitrovicës mëngjesin e së shtunës janë nisur për në Prishtinë.

Ata do të marrin pjesë në protestën e organizuar nga Vetëvendosje.

Kryetari i degës së Vetëvendosjes në Mitrovicë, Faruk Mujka ka thënë për gazetë inFokus se ka disa ditë që kanë bërë përgatitje për protestë.

-Advertisement-

“Mitrovica është gati për t’iu bashkangjitur protestës. Ka disa ditë që jemi duke u bërë gati për këtë protestë. Kemi prej 20 deri ne 30 kujdestarë nga Mitrovica të cilët do të bashkohen me të tjerët në Prishtinë. Kemi mbajtur takime me qytetarë në shumë prej fshatrave në Mitrovicë të cilët kanë shprehur gatishmëri për tu bashkangjitur asaj”, ka thënë ai.

Ai po ashtu ka thënë se po bëjnë përpjekje maksimale ti bindin qytetarët ti bashkohen protestës.
“Ka të atillë që nuk po bëhen pjesë e protestës për shkak se po thonë se po merr ngjyrim politik për shkak se po organizohen nga ne, por ne jemi munduar t’u shpjegojmë qytetarëve se kjo është protestë gjithëpopullore”, kam përfunduar ai.

Gazeta inFokus ka mësuar se për t’iu bashkuar protestës tashmë nga Mitrovica janë nisur 6 autobusë me qytetarë.

Protesta e organizuar nga Vetëvendosje pritet të filloj në orën 14:00.

Vetëvendosje ka bërë të ditur se protesta do të organizohet për të kundërshtuar shkëmbimin territorial mes Kosovës dhe Serbisë dhe për të kundër mos përfaqësimin e Kosovës nga presidenti i Kosovës, Hashim Thaçi në dialogun më Serbinë./inFokus.