Me 47 vota për dhe 17 kundër deputetët e Kuvendit të Kosovës kanë miratuar gjatë seancës së djeshme raportin financiar për buxhetin e Kosovës për vitin 2016.

Kuvendi gjatë së mërkurës miratoi edhe disa projektligje e raporte të tjera, duke përfshirë këtu edhe atë të Bankës Qendrore për vitin 2016.

Ministri i Financave Bedri Hamza, duke prezantuar raportin për buxhetin e Republikës së Kosovës për vitin 2016, bëri të ditur se pjesa më e madhe e buxhetit është shpenzuar për paga (544.8 milionë euro gjithsej).

-Advertisement-

Ai më tej tha se mbi 1 miliard e 700 milionë kanë shkuar për pagesa, kurse mbi 400 milionë për shpenzime kapitale. “Pranimet gjatë vitit 2016, duke përfshirë huamarrjen ishin 1 miliard e 778 milionë euro. Duke krahasuar me vitin 2015 rritja ishte prej 4 për qind. Janë rimbursuar 38 milionë euro, 175 milionë euro erdhën nga të hyrat jotatimore, të hyrat vetanake ishin 92 milionë euro, tatimi në pronë 25 milionë euro, të hyrat nga taksat 7.7 milionë euro, kurse të hyrat nga dividendi zero”, deklaroi Hamza të enjten në Kuvendin e Kosovës.

Duke e paraqitur këtë raport ai bëri të ditur se ka pasur rritje në shpenzimet kapitale krahasuar me vitin 2015 për 10,5 për qind.

Ndërkaq deputetja e PDK-së, Safete Hadërgjonaj, pas kësaj tha se nga ky raport del të ketë pasur rritje të numrit të të punësuarve. “PDK-ja e ka shqyrtuar raportin dhe është e mendimit se ky raport e pasqyron rrjedhën e pranimit dhe të shpenzimeve ashtu si e parasheh Ligji për Menaxhimin e Financave Publike dhe Përgjegjësitë. Nga raporti e shohim se ka rritje të numrit të punësimeve mbi atë që është planifikuar në organizatat buxhetore të nivelit qendror dhe lokal”, deklaroi ajo.

Hadërgjonaj me këtë rast tha se një gjë e tillë paraqet shkelje ligjore. “Shohim se ka tejkalim të numrit të të punësuarve, mbi 710 punonjës. Rritja e numrit të të punësuarve mbi numrin e planifikuar është shkelje ligjore”, theksoi ajo.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-