Lajme

Miratohet projektligji për Rregullat e Trafikut Rrugor

Autori: Gazeta inFokus 11:08 | 23 February 2024

Në Kuvendin e Kosovës me 61 vota për u kalua Shqyrtimi i dytë të Projektligjit nr.08/L-186 për Rregullat e Trafikut Rrugor.

Kështu bëri të ditur ministri i Infrastrukturës Liburn Aliu përmes një postimi në Facebook, shkruan KlanKosova.tv.

Sipas Aliut, për shkak se ligji aktual ka zbrazëtira ligjore si në aspektin e harmonizimit me AQUIS të BE-së si dhe nuk është anëtar në Konventën Ndërkombëtare, si Konventa e Gjenevës (1945) dhe Vjenës (1968) për Trafikun Rrugor, janë paraqitur ndryshimet e domosdoshme.

-Advertisement-

“-Transpozon pjesërisht Direktiven 2015/413 të datës 11.03.2015 që ka të bëjë me lehtësimin e shkëmbimit të informative ndërkombëtare në çështjet e gjobave të lidhura me sigurinë në trafik;

-Në përgjithësi janë rritur shumat e gjobave për kundërvajtje në trafik.

-Kundërvajtjet në trafik janë të përshkallzuara;

-Janë të përcaktuara dispozitat e trafikut të cilat e rregullojnë trafikun e trotineteve elektrike.

-Dispozitat që rregullojnë veprimet në autoudhë ku parashihen ngritjet e gjobave për shkak të rrezikshmërisë.

-Dispoziatat për drejtimin e mjetit motorik ku janë përshkallëzuar gjobat pa patentë shoferë dhe me patentë shofer jo valid.

-Përcaktimi i përdorimit të video incizimeve si provë e shkeljeve nga pjesëmarrësit në trafik.

-Identifikimi i kundërvajtjes me pajisje elektronike për shqiptimin e gjobave elektronike;

-Bartja e përgjegjësisë tek pronari i automjetit, për rastin kur nuk mund të identifikohet shoferi i cili ka bërë kundërvajtje në trafikun rrugor;

-Dispozitat e veçanta ndaj shoferëve që ndotin rrugën me rrotat me baltë nga rruga e dheut, vendpunishtja dhe çfarëdo materiali që e ndotë rrugën;

-Rregullimi i dispozitave lidhur me çështjen e masës mbrojtëse “ndalim i drejtimit të mjetit me veprim motorik” për përsëritësit e shkeljeve.

-Pasojat juridike të dënimeve janë rregulluar në mënyrë të detajuar”, bën të ditur Aliu në postimin e tij.

Subscribe në YouTube: GAZETA INFOKUSI
Etiketa:
KosovaMed përmbyll vitin me sukses – dhuron donacione për QKMF-në e Junikut
-Advertisement-

Të tjera

Fokusi

lajme