Lajme

Ministrja Zivic merrë pjesë në Forumin Global për Ushqim dhe Bujqësi 2020 në Berlin

Autori: Gazeta inFokus 15:05 | 16 January 2020

Ministrja në detyrë e Bujqësisë, Pylltarisë dhe Zhvillimit Rural, Dijana Zivic bashkë me Sekretarin e Përgjithshëm të ministrisë, Kapllan Halimi, me ftesë të Ministres së Ushqimit dhe Bujqësisë të Gjermanisë, Julia Klokner, po marrin pjesë në Forumin Global për Ushqim dhe Bujqësi, në Berlin të Gjermanisë.

Gjatë këtij forumi, ministrja Zivic, do të jetë pjesëmarrëse edhe në panelin “A tregon IPARD për gjërat që duhet bërë më mirë”, të organizuar nga ministrja e Ushqimit dhe Bujqësisë e Gjermanisë dhe Grupi i Përhershëm i Punës (SWG).

Në vizitën e saj në Berlin, ministrja Zivic do të marrë pjesë edhe në hapjen e ngjarjes më të rëndësishme për bujqësinë dhe ambientin, “Java e Gjelbër Ndërkombëtare”, që po ashtu mbahet në Berlin, në të cilin prezantohen dhjetëra shtete nga e mbarë bota.

-Advertisement-

Gjatë ditëve sa do të zgjasë forumi, ministrat e bujqësisë të vendeve të ndryshme, do të kenë mundësinë të diskutojnë çështje të rëndësishme që ndërlidhen me sfidat në sektorin e bujqësisë.

Ndryshe, Java e Gjelbër është një nga panairet më të mëdha ndërkombëtare dhe mbledh më shumë se 1.500 ekspozues dhe një numër të madh vizitorësh çdo vit. Panairi është hapur më 16 janar dhe do të zgjasë deri më 26 janar 2020.

Subscribe në YouTube: GAZETA INFOKUSI
BKT Kosova vlerësohet për herë të tretë "Banka e Vitit 2023 në Kosovë" nga The Banker

Të tjera