Lajme

Ministrja Nagavci në Dubai

Autori: Gazeta inFokus 11:42 | 17 Dhjetor 2021

Ministrja e Arsimit, Shkencës, Teknologjisë dhe Inovacionit, Arbërie Nagavci, ka qëndruar në vizitë zyrtare dyditore në Dubai të Emirateve të Bashkuara Arabe, në kuadër të aktiviteteve të “Expo Dubai 2020” që i kushtohen arsimit të lartë.

Gjatë kësaj vizite, ministrja Nagavci ka pasur takime të ndara me ministrin e Arsimit, Hussain bin Ibrahim Al Hammadi, si dhe ministren e Shtetit për Teknologjinë e Avancuar, Sarah bint Yousif Al Amiri.

Në këto takime është biseduar për mundësitë e bashkëpunimit në fushën e arsimit, veçanërisht të arsimit të lartë, por edhe në fusha të tjera që mbulojnë këto ministri, si shkenca, teknologjia dhe inovacioni.

Ministrja Nagavci ka folur për gjendjen në arsimin e Kosovës, ndërsa ka përmendur edhe të arriturat e fundit në krijimin e mundësive të reja për sudiuesit dhe inovatorët që të kenë çasje në programe të rëndësishme si “Horizon Europe”.

-Advertisement-

Ministrja Nagavci dhe ministrat Hussain bin Ibrahim Al Hammadi dhe Sarah bint Yousif Al Amiri, u dakorduan që të vazhdojnë punën në krijimin e bashkëpunimeve të reja mes dy vendeve.
Nagavci ka takuar edhe përfaqësues të shteteve si Shqipëria, Zvicra, Kroacia, Mali i Zi, Emiratet e Bashkuara Arabe dhe shtete të tjera që janë pjesë e këtij panairi.

Gjatë kësaj vizite, ministrja Nagavci ka vizituar edhe panairin botëror “Expo Dubai 2020”, i cili mbahet në periudhën nga 1 tetori 2021 deri më 31 mars 2022, ku Kosova po merr pjesë për herë të parë dhe ndër temat e prezantimit është edhe arsimi dhe inovacioni. Në këtë ekspozitë marrin pjesë rreth 190 shtete nga e gjithë bota me më shumë se 25 milion vizitorë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy